‘ಅನಾದಿ’ ಇತ್ಯೇಕಂ ಪದಮ್ , ‘ಮತ್ಪರಮ್ ‘ ಇತಿ ಚಾಪರಮ್ , ಇತಿ ಪದಚ್ಛೇದಾತ್ ನ ಪುನರುಕ್ತಿರಿತಿ ಮತಾಂತರಮ್ ಉತ್ಥಾಪಯತಿ -

ಅತ್ರೇತಿ ।

ಏಕಪದತ್ವಸಂಭವೇ ಕಿಮಿತಿ ಪದದ್ವಯಮ್ ? ಇತ್ಯಾಶಂಕ್ಯ ಆಹ -

ಬಹುವ್ರೀಹಿಣೇತಿ ।

ಆದಿಃ ಅಸ್ಯ ನಾಸ್ತೀತಿ ಯೋ ಬಹುವ್ರೀಹಿಣಾ ಉಕ್ತಃ ಅರ್ಥಃ, ತಸ್ಮಿನ್ ಆದಿಮತ್ವನಿಷೇಧೇ, ನಾಸ್ತಿ ಮತುಪಃ ಅರ್ಥವತ್ವಮಿತಿ । ಮತುಬಾನರ್ಥಕ್ಯಮ್ ಅನಿಷ್ಟಂ ಸ್ಯಾತ್ , ಇತಿ ಮತ್ವಾ ಪದಂ ಛಿಂದಂತಿ, ಇತಿ ಪೂರ್ವೇಣ ಸಂಬಂಧಃ ।

ಆದಿಃ ಅಸ್ಯ ನಾಸ್ತೀತಿ, ‘ಅನಾದಿ’ ಇತ್ಯುಕ್ತ್ವಾ ‘ಪ್ತತ್ಪರಮ್ ‘ ಇತಿ ಉಚ್ಯಮಾನೇ ಕೋಽರ್ಥಃ ಸ್ಯಾತ್ ? ಇತ್ಯಾಶಂಕ್ಯ, ಆಹ -

ಅರ್ಥೇತಿ ।

ಉಕ್ತವ್ಯಾಖ್ಯಾನಸ್ಯ ಅಯುಕ್ತತ್ವಾತ್ ನಾಯಂ ಪುನರುಕ್ತಿಸಮಾಧಿಃ, ಇತ್ಯಾಹ -

ಸತ್ಯಮಿತಿ ।

ಅರ್ಥಾಸಂಭವಂ ಸಮರ್ಥಯತೇ -

ಬ್ರಹ್ಮಣ ಇತಿ ।

ತಥಾಪಿ ವಿಶಿಷ್ಟಶಕ್ತಿಮತ್ವಂ ಕಿಂ ನ ಸ್ಯಾತ್ ? ಇತ್ಯಾಶಂಕ್ಯ, ಆಹ -

ವಿಶಿಷ್ಟೇತಿ ।

ತಥಾಪಿ ಮತುಪೋ ಬಹುವ್ರೀಹಿಣಾ ತುಲ್ಯಸ್ಯಾರ್ಥಸ್ಯ ಕಥಂ ನಾನ ರ್ಥಕ್ಯಮ್ ? ತತ್ರಾಹ -

ತಸ್ಮಾದಿತಿ ।