ನಾಸ್ತಿಬುದ್ಧಿವಿಷಯತ್ವಮೇವ ಅವಸ್ತುತ್ವೇ ನಿಮಿತ್ತಮ್ । ಅತಃ ತದಭಾವಾತ್ ಬ್ರಹ್ಮಣಃ ನಾವಸ್ತುತಾ, ಇತ್ಯೇತದೇವ ವ್ಯಕ್ತೀಕರ್ತುಂ ಚೋದಯತಿ -

ನನ್ವಿತಿ ।

ಸರ್ವಾಸಾಂ ಧಿಯಾಂ ಅಸ್ತಿಧೀತ್ವೇನ ನಾಸ್ತಿಧೀತ್ವೇನ ವಾ ಅऩುಗತತ್ವೇ ಅನ್ಯತರಧೀಗೋಚರತ್ವಾಭಾವೇ ಬ್ರಹ್ಮಣೋಽನಿರ್ವಾಚ್ಯತ್ವಮ್ ದುರ್ವಾರಮ್ , ಇತಿ ಫಲಿತಮಾಹ -

ತತ್ರೇತಿ ।

ಬ್ರಹ್ಮಣೋ ಘಟಾದಿವೈಲಕ್ಷಣ್ಯಾತ್ - ಉಭಯಬುದ್ಧ್ಯವಿಷಯತ್ವೇಽಪಿ ನ ಅನಿರ್ವಾಚ್ಯತಾ, ಇತ್ಯಾಹ -

ನೇತ್ಯಾದಿನಾ ।

ಘಟಾದೇಃ । ಇಂದ್ರಿಯಗ್ರಾಹ್ಯಸ್ಯ ಉಭಯಬುದ್ಧಿವಿಷಯತ್ವೇಽಪಿ ಬ್ರಹ್ಮಣಃ ತದಗ್ರಾಹ್ಯಸ್ಯ ऩೋಭಯಧೀವಿಷಯತ್ವಮ್ ತಥಾಽಪಿ ನಾನಿರ್ವಾಚ್ಯತ್ವಮ್ , ಸಚ್ಚಿದೇಕತಾನಸ್ಯ ಶಬ್ದಪ್ರಮಾಣಾತ್ ಅವಿಷಯತ್ವೇನ ದೃಷ್ಟತ್ವಾತ್ , ಇತಿ ಉಕ್ತಮೇವ ಪ್ರಪಂಚಯತಿ -

ಯದ್ಧೀತಿ ।