సఙ్గస్య సంసారకారణత్వే, ऩ అవిద్యాయాః తత్కారణత్వమ్ , ఎకస్మాదేవ హేతోః తదుపపత్తేః, ఇత్యాశఙ్క్య, ఆహ -
ఎతదితి ।
అవిద్యా ఉపాదానమ్ , సఙ్గో నిమిత్తమ్ , ఇతి ఉభయోరపి కారణత్వం సిధ్యతి, ఇత్యర్థః ।
ద్వివిధహేతూక్తేః వివక్షితం ఫలమాహ -
తచ్చేతి ।
సాసఙ్గస్య అజ్ఞానస్య స్వతోఽనివృత్తేః తన్నివర్తకం వాచ్యమ్ , ఇత్యాశఙ్క్య, ఆహ -
అస్యేతి ।
వైరాగ్యే సతి సంన్యాసః, తత్పూర్వకం చ జ్ఞానం సాసఙ్గాజ్ఞాననివర్తకమ్ ; ఇత్యర్థః ।
ఉక్తే జ్ఞానే మానమాహ -
గీతేతి ।
అధ్యాయాదౌ చ ఉక్తం జ్ఞానమ్ , ఉదాహృతమ్ , ఇత్యాహ-
తచ్చేతి ।
తదేవ జ్ఞానం ‘యజ్జ్ఞాత్వా’ ఇత్యాదినా ‘న సత్తన్నాసత్ ‘ ఇత్యన్తేన అన్యనిషేధేऩ, ‘సర్వతః పాణిపాదమ్ ‘ ఇత్యాదినా చ అతద్ధర్మాధ్యాసేన ఉక్తమ్ , ఇత్యాహ -
యజ్జ్ఞాత్వేతి
॥ ౨౧ ॥