ಅನಾದಿತ್ವಮೇವ ಸಾಧಯತಿ -

ಆದಿರಿತಿ ।

ತಧಾಪಿ ಕಿಂ ಸ್ಯಾತ್  ? ಇತ್ಯಾಶಂಕ್ಯ, ಕಾರ್ಯವತ್ವಕೃತವ್ಯಯಾಭಾವಃ ಸಿಧ್ಯತಿ, ಇತ್ಯಾಹ -

ಯದ್ಧೀತಿ ।

ತಥಾಪಿ ಗುಣಾಪಕರ್ಷದ್ವಾರಕೋ ವ್ಯಯೋ ಭವಿಷ್ಯತಿ, ನೇತ್ಯಾಹ -

ತಥೇತಿ ।

ನಿರವಯವತ್ವಾದೇವ ಸಾವಯವದ್ವಾರಕಸ್ಯ ನಿರ್ಗುಣತ್ವಾತ್ ಗುಣದ್ವಾರಕಸ್ಯ ಚ ವ್ಯಯಸ್ಯಾಭಾವೇಽಪಿ ಸ್ವಭಾವತೋ ವ್ಯಯಃ ಸ್ಯಾತ್ , ಇತ್ಯಾಶಂಕ್ಯ, ಆಹ -

ಪರಮಾತ್ಮೇತಿ ।

ಪರಮಾತ್ಮನಃ ಸ್ವತಃ ಪರತೋ ವಾ ವ್ಯಯಾಭಾವೇ ಫಲಿತಮಾಹ -

ಯತ ಇತಿ ।

ಸ್ವಮಹಿಮಪ್ರತಿಷ್ಠಸ್ಯ ಕಥಂ ಶರೀರಸ್ಥತ್ವಮ್ ? ತತ್ರಾಹ -

ಶರೀರೇಷ್ವಿತಿ ।

ಸರ್ವಗತತ್ವೇನ ಸರ್ವಾತ್ಮತ್ವೇನ ಚ ದೇಹಾದೌ ಸ್ಥಿತೋಽಪಿ ಸ್ವತೋ ದೇಹಾದ್ಯಾತ್ಮನಾ ವಾ ನ ಕರೋತಿ ಕೂಟಸ್ಥತ್ವಾತ್ , ದೇಹಾದೇಶ್ಚ ಕಲ್ಪಿತತ್ವಾತ್ ಇತ್ಯರ್ಥಃ ।

ಕರ್ತೃತ್ವಾಭಾವೇಽಪಿ ಭೋಕ್ತೃತ್ವಂ ಸ್ಯಾತ್ , ಇತ್ಯಾಶಹ್ಕ್ಯ, ಆಹ -

ತದಕರಣಾದಿತಿ ।

ತದೇವ  ಉಪಪಾದಯತಿ -

ಯೋ ಹೀತಿ ।