ಶ್ರೀಮದ್ಭಗವದ್ಗೀತಾಭಾಷ್ಯಮ್
ಚತುರ್ದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಕರ್ಮಣಃ ಸುಕೃತಸ್ಯಾಹುಃ ಸಾತ್ತ್ವಿಕಂ ನಿರ್ಮಲಂ ಫಲಮ್ ।
ರಜಸಸ್ತು ಫಲಂ ದುಃಖಮಜ್ಞಾನಂ ತಮಸಃ ಫಲಮ್ ॥ ೧೬ ॥
ಕರ್ಮಣಃ ಸುಕೃತಸ್ಯ ಸಾತ್ತ್ವಿಕಸ್ಯ ಇತ್ಯರ್ಥಃ, ಆಹುಃ ಶಿಷ್ಟಾಃ ಸಾತ್ತ್ವಿಕಮ್ ಏವ ನಿರ್ಮಲಂ ಫಲಮ್ ಇತಿ । ರಜಸಸ್ತು ಫಲಂ ದುಃಖಂ ರಾಜಸಸ್ಯ ಕರ್ಮಣಃ ಇತ್ಯರ್ಥಃ, ಕರ್ಮಾಧಿಕಾರಾತ್ ಫಲಮ್ ಅಪಿ ದುಃಖಮ್ ಏವ, ಕಾರಣಾನುರೂಪ್ಯಾತ್ ರಾಜಸಮೇವ । ತಥಾ ಅಜ್ಞಾನಂ ತಮಸಃ ತಾಮಸಸ್ಯ ಕರ್ಮಣಃ ಅಧರ್ಮಸ್ಯ ಪೂರ್ವವತ್ ॥ ೧೬ ॥
ಕರ್ಮಣಃ ಸುಕೃತಸ್ಯಾಹುಃ ಸಾತ್ತ್ವಿಕಂ ನಿರ್ಮಲಂ ಫಲಮ್ ।
ರಜಸಸ್ತು ಫಲಂ ದುಃಖಮಜ್ಞಾನಂ ತಮಸಃ ಫಲಮ್ ॥ ೧೬ ॥
ಕರ್ಮಣಃ ಸುಕೃತಸ್ಯ ಸಾತ್ತ್ವಿಕಸ್ಯ ಇತ್ಯರ್ಥಃ, ಆಹುಃ ಶಿಷ್ಟಾಃ ಸಾತ್ತ್ವಿಕಮ್ ಏವ ನಿರ್ಮಲಂ ಫಲಮ್ ಇತಿ । ರಜಸಸ್ತು ಫಲಂ ದುಃಖಂ ರಾಜಸಸ್ಯ ಕರ್ಮಣಃ ಇತ್ಯರ್ಥಃ, ಕರ್ಮಾಧಿಕಾರಾತ್ ಫಲಮ್ ಅಪಿ ದುಃಖಮ್ ಏವ, ಕಾರಣಾನುರೂಪ್ಯಾತ್ ರಾಜಸಮೇವ । ತಥಾ ಅಜ್ಞಾನಂ ತಮಸಃ ತಾಮಸಸ್ಯ ಕರ್ಮಣಃ ಅಧರ್ಮಸ್ಯ ಪೂರ್ವವತ್ ॥ ೧೬ ॥

ರಜಶ್ಶಬ್ದಸ್ಯ ರಾಜಸೇ ಕರ್ಮಣಿ ಕುತೋ ವೃತ್ತಿಃ ? ತತ್ರ ಆಹ -

ಕರ್ಮೇತಿ ।

ದುಃಖಮೇವ - ದುಃಖಬಹುಲಮ್ , ಕಥಮ್ ಇತ್ಥಂ ವ್ಯಾಖ್ಯಾಯತೇ ? ತತ್ರ ಆಹ -

ಕಾರಣೇತಿ ।

ಪಾಪಮಿಶ್ರಸ್ಯ ಪುಣ್ಯಸ್ಯ ರಜೋನಿಮಿತ್ತಸ್ಯ ಕಾರಣತ್ವಾತ್ ತದನುರೋಧಾತ್ ಫಲಮಿತಿ ರಜೋನಿಮಿತ್ತಂ ಯಥೋಕ್ತಂ ಯುಕ್ತಮ್ , ಇತ್ಯರ್ಥಃ ।

ಅಜ್ಞಾನಮ್ ಅವಿವೇಕಪ್ರಾಯಂ ದುಃಖಂ ತಾಮಸಾಧರ್ಮಫಲಮ್ , ಇತ್ಯಾಹ -

ತಥೇತಿ

॥ ೧೬ ॥