तानि सम्यग्दर्शी न द्वेष्टि, इत्युक्तमेव स्पष्टयितुं निषेध्यम् असम्यग्दर्शिनो द्वेषं तेषु प्रकटयति -

ममेत्यादिना ।

सम्यग्दर्शिनः सम्प्रवृत्तेषु प्रकाशादिषु द्वेषाभावम् उपसंहरति -

तदेवमिति ।

न निवृत्तानि इत्यादि व्याचष्टे -

यथा चेति ।

तेषाम् अनात्मीयत्वं सम्यक् पश्यन् आत्मानुकूलप्रतिकूलतारोपणेन न उद्विजते तेभ्यश्च न स्पृहयति, इत्यर्थः ।

स्वानुभवसिद्धं गुणातीतस्य लक्षणम् उक्तम् इत्याह -

एतन्नेति ।

परप्रत्यक्षत्वाभावं प्रपञ्चयति -

न हीति ।

आश्रयो विषयः

॥ २२ ॥