తాని సమ్యగ్దర్శీ న ద్వేష్టి, ఇత్యుక్తమేవ స్పష్టయితుం నిషేధ్యమ్ అసమ్యగ్దర్శినో ద్వేషం తేషు ప్రకటయతి -

మమేత్యాదినా ।

సమ్యగ్దర్శినః సమ్ప్రవృత్తేషు ప్రకాశాదిషు ద్వేషాభావమ్ ఉపసంహరతి -

తదేవమితి ।

న నివృత్తాని ఇత్యాది వ్యాచష్టే -

యథా చేతి ।

తేషామ్ అనాత్మీయత్వం సమ్యక్ పశ్యన్ ఆత్మానుకూలప్రతికూలతారోపణేన న ఉద్విజతే తేభ్యశ్చ న స్పృహయతి, ఇత్యర్థః ।

స్వానుభవసిద్ధం గుణాతీతస్య లక్షణమ్ ఉక్తమ్ ఇత్యాహ -

ఎతన్నేతి ।

పరప్రత్యక్షత్వాభావం ప్రపఞ్చయతి -

న హీతి ।

ఆశ్రయో విషయః

॥ ౨౨ ॥