பரிமார்க³ணபூர்வகம் வைஷ்ணவம் பத³ம் க³ச்ச²தாம் அங்கா³ந்தராணி ஆகாங்க்ஷாபூர்வகம் கத²யதி -

கத²மித்யாதி³நா ।

மாந: - அஹங்கார:, மோஹஸ்து அவிவேக:, ஜிதஸங்க³தோ³ஷா: - ஶத்ருமித்ரஸந்நிதா⁴வபி த்³வேஷப்ரீதிவர்ஜிதா: இத்யர்த²: । தத்பரத்வம் - ஶ்ரவணாதி³நிஷ்ட²த்வம் । ஸம்ந்யாஸிந: - வைராக்³யத்³வாரா த்யக்தஸர்வகர்மாண இத்யர்த²: । ஆதி³ஶப்³தே³ந தத்³தே⁴துபரிக்³ரஹ: ।மோஹவர்ஜிதத்வம் - உக்தஹேதுத: ஸஞ்ஜாதஸம்யக்³தீ⁴த்வம்

॥ 5 ॥