अद्वैतशारदा | दक्षिणाम्नाय श्रीशारदापीठम्, शृङ्गेरी

యో మామేవమసంమూఢో జానాతి పురుషోత్తమమ్ ।
స సర్వవిద్భజతి మాం సర్వభావేన భారత ॥ ౧౯ ॥

యః మామ్ ఈశ్వరం యథోక్తవిశేషణమ్ ఎవం యథోక్తేన ప్రకారేణ అసంమూఢః సంమోహవర్జితః సన్ జానాతి ‘అయమ్ అహమ్ అస్మి’ ఇతి పురుషోత్తమం సః సర్వవిత్ సర్వాత్మనా సర్వం వేత్తీతి సర్వజ్ఞః సర్వభూతస్థం భజతి మాం సర్వభావేన సర్వాత్మతయా హే భారత ॥ ౧౯ ॥

స సర్వవిదితి ;

భగవన్తం జానతః సర్వవిత్త్వం, తస్యైవ సర్వాత్మనా మేయత్వాదిత్యాహ -

స సర్వవిదితి ।

సర్వాత్మని మయ్యేవ ఆసక్తచిత్తత్వేన ఇత్యర్థః

॥ ౧౯ ॥