ద్వౌ భూతసర్గౌ లోకేఽస్మిన్దైవ ఆసుర ఎవ చ ।
దైవో విస్తరశః ప్రోక్త ఆసురం పార్థ మే శృణు ॥ ౬ ॥
ద్వౌ ద్విసఙ్ఖ్యాకౌ భూతసర్గౌ భూతానాం మనుష్యాణాం సర్గౌ సృష్టీ భూతసర్గౌ సృజ్యేతేతి సర్గౌ భూతాన్యేవ సృజ్యమానాని దైవాసురసమ్పద్ద్వయయుక్తాని ఇతి ద్వౌ భూతసర్గౌ ఇతి ఉచ్యతే, ‘ద్వయా హ వై ప్రాజాపత్యా దేవాశ్చాసురాశ్చ’ (బృ. ఉ. ౧ । ౩ । ౧) ఇతి శ్రుతేః । లోకే అస్మిన్ , సంసారే ఇత్యర్థః, సర్వేషాం ద్వైవిధ్యోపపత్తేః । కౌ తౌ భూతసర్గౌ ఇతి, ఉచ్యతే — ప్రకృతావేవ దైవ ఆసుర ఎవ చ । ఉక్తయోరేవ పునః అనువాదే ప్రయోజనమ్ ఆహ — దైవః భూతసర్గః ‘అభయం సత్త్వసంశుద్ధిః’ (భ. గీ. ౧౬ । ౧) ఇత్యాదినా విస్తరశః విస్తరప్రకారైః ప్రోక్తః కథితః, న తు ఆసురః విస్తరశః ; అతః తత్పరివర్జనార్థమ్ ఆసురం పార్థ, మే మమ వచనాత్ ఉచ్యమానం విస్తరశః శృణు అవధారయ ॥ ౬ ॥
ద్వౌ భూతసర్గౌ లోకేఽస్మిన్దైవ ఆసుర ఎవ చ ।
దైవో విస్తరశః ప్రోక్త ఆసురం పార్థ మే శృణు ॥ ౬ ॥
ద్వౌ ద్విసఙ్ఖ్యాకౌ భూతసర్గౌ భూతానాం మనుష్యాణాం సర్గౌ సృష్టీ భూతసర్గౌ సృజ్యేతేతి సర్గౌ భూతాన్యేవ సృజ్యమానాని దైవాసురసమ్పద్ద్వయయుక్తాని ఇతి ద్వౌ భూతసర్గౌ ఇతి ఉచ్యతే, ‘ద్వయా హ వై ప్రాజాపత్యా దేవాశ్చాసురాశ్చ’ (బృ. ఉ. ౧ । ౩ । ౧) ఇతి శ్రుతేః । లోకే అస్మిన్ , సంసారే ఇత్యర్థః, సర్వేషాం ద్వైవిధ్యోపపత్తేః । కౌ తౌ భూతసర్గౌ ఇతి, ఉచ్యతే — ప్రకృతావేవ దైవ ఆసుర ఎవ చ । ఉక్తయోరేవ పునః అనువాదే ప్రయోజనమ్ ఆహ — దైవః భూతసర్గః ‘అభయం సత్త్వసంశుద్ధిః’ (భ. గీ. ౧౬ । ౧) ఇత్యాదినా విస్తరశః విస్తరప్రకారైః ప్రోక్తః కథితః, న తు ఆసురః విస్తరశః ; అతః తత్పరివర్జనార్థమ్ ఆసురం పార్థ, మే మమ వచనాత్ ఉచ్యమానం విస్తరశః శృణు అవధారయ ॥ ౬ ॥