अद्वैतशारदा | दक्षिणाम्नाय श्रीशारदापीठम्, शृङ्गेरी

ఆఢ్యోఽభిజనవానస్మి
కోఽన్యోఽస్తి సదృశో మయా ।
యక్ష్యే దాస్యామి మోదిష్య
ఇత్యజ్ఞానవిమోహితాః ॥ ౧౫ ॥

ఆఢ్యః ధనేన, అభిజనవాన్ సప్తపురుషం శ్రోత్రియత్వాదిసమ్పన్నః — తేనాపి న మమ తుల్యః అస్తి కశ్చిత్ । కః అన్యః అస్తి సదృశః తుల్యః మయా ? కిఞ్చ, యక్ష్యే యాగేనాపి అన్యాన్ అభిభవిష్యామి, దాస్యామి నటాదిభ్యః, మోదిష్యే హర్షం చ అతిశయం ప్రాప్స్యామి, ఇతి ఎవమ్ అజ్ఞానవిమోహితాః అజ్ఞానేన విమోహితాః వివిధమ్ అవివేకభావమ్ ఆపన్నాః ॥ ౧౫ ॥

ఆఢ్యః ఇతి ; కిఞ్చేతి ; ఇత్యేవమితి ;

విద్యావృత్తధనాభిజనైః మత్తుల్యః నాస్తి ఇత్యాహ -

ఆఢ్యః ఇతి ।

తథాపి యాగదానాభ్యాం తత్ఫలేన వా కశ్చిత్ అధికః భవిష్యతి ఇతి ఆశఙ్క్య ఆహ -

కిఞ్చేతి ।

న చ తేషాం ఎషః అభిప్రాయః సాధీయాన్ ఇత్యాహ -

ఇత్యేవమితి

॥ ౧౫ ॥