अद्वैतशारदा | दक्षिणाम्नाय श्रीशारदापीठम्, शृङ्गेरी

అనేకచిత్తవిభ్రాన్తా మోహజాలసమావృతాః ।
ప్రసక్తాః కామభోగేషు పతన్తి నరకేఽశుచౌ ॥ ౧౬ ॥

అనేకచిత్తవిభ్రాన్తాః ఉక్తప్రకారైః అనేకైః చిత్తైః వివిధం భ్రాన్తాః అనేకచిత్తవిభ్రాన్తాః, మోహజాలసమావృతాః మోహః అవివేకః అజ్ఞానం తదేవ జాలమివ ఆవరణాత్మకత్వాత్ , తేన సమావృతాః । ప్రసక్తాః కామభోగేషు తత్రైవ నిషణ్ణాః సన్తః తేన ఉపచితకల్మషాః పతన్తి నరకే అశుచౌ వైతరణ్యాదౌ ॥ ౧౬ ॥

అనేకేతి ;

ఉక్తప్రకారవిపర్యయేణ కృత్యాకృత్యవివేకవికలానాం కిం స్యాత్ ? ఇతి అపేక్షాయాం ఆహ -

అనేకేతి ।

కామాః - విషయాః, తేషాం భోగేషు - తత్ప్రయుక్తేషు ఉపభోగేషు ఇతి యావత్

॥ ౧౬ ॥