अद्वैतशारदा | दक्षिणाम्नाय श्रीशारदापीठम्, शृङ्गेरी

ఆత్మసమ్భావితాః స్తబ్ధా ధనమానమదాన్వితాః ।
యజన్తే నామయజ్ఞైస్తే దమ్భేనావిధిపూర్వకమ్ ॥ ౧౭ ॥

ఆత్మసమ్భావితాః సర్వగుణవిశిష్టతయా ఆత్మనైవ సమ్భావితాః ఆత్మసమ్భావితాః, న సాధుభిః । స్తబ్ధాః అప్రణతాత్మానః । ధనమానమదాన్వితాః ధననిమిత్తః మానః మదశ్చ, తాభ్యాం ధనమానమదాభ్యామ్ అన్వితాః । యజన్తే నామయజ్ఞైః నామమాత్రైః యజ్ఞైః తే దమ్భేన ధర్మధ్వజితయా అవిధిపూర్వకం విధివిహితాఙ్గేతికర్తవ్యతారహితమ్ ॥ ౧౭ ॥

ఆత్మేతి ;

నను తేషామపి కేషాఞ్చిత్ వైదికే కర్మణి యాగదానాదౌ ప్రవృత్తిప్రతిపత్తేః అయుక్తం వైతరణ్యాదౌ పతనం ఇతి చేత్ , తత్ర ఆహ -

ఆత్మేతి

॥ ౧౭ ॥