ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷೋಡಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಆಸುರೀಂ ಯೋನಿಮಾಪನ್ನಾ
ಮೂಢಾ ಜನ್ಮನಿ ಜನ್ಮನಿ ।
ಮಾಮಪ್ರಾಪ್ಯೈವ ಕೌಂತೇಯ
ತತೋ ಯಾಂತ್ಯಧಮಾಂ ಗತಿಮ್ ॥ ೨೦ ॥
ಆಸುರೀಂ ಯೋನಿಮ್ ಆಪನ್ನಾಃ ಪ್ರತಿಪನ್ನಾಃ ಮೂಢಾಃ ಅವಿವೇಕಿನಃ ಜನ್ಮನಿ ಜನ್ಮನಿ ಪ್ರತಿಜನ್ಮ ತಮೋಬಹುಲಾಸ್ವೇವ ಯೋನಿಷು ಜಾಯಮಾನಾಃ ಅಧೋ ಗಚ್ಛಂತೋ ಮೂಢಾಃ ಮಾಮ್ ಈಶ್ವರಮ್ ಅಪ್ರಾಪ್ಯ ಅನಾಸಾದ್ಯ ಏವ ಹೇ ಕೌಂತೇಯ, ತತಃ ತಸ್ಮಾದಪಿ ಯಾಂತಿ ಅಧಮಾಂ ಗತಿಂ ನಿಕೃಷ್ಟತಮಾಂ ಗತಿಮ್ । ‘ಮಾಮ್ ಅಪ್ರಾಪ್ಯೈವ’ ಇತಿ ನ ಮತ್ಪ್ರಾಪ್ತೌ ಕಾಚಿದಪಿ ಆಶಂಕಾ ಅಸ್ತಿ, ಅತಃ ಮಚ್ಛಿಷ್ಟಸಾಧುಮಾರ್ಗಮ್ ಅಪ್ರಾಪ್ಯ ಇತ್ಯರ್ಥಃ ॥ ೨೦ ॥
ಆಸುರೀಂ ಯೋನಿಮಾಪನ್ನಾ
ಮೂಢಾ ಜನ್ಮನಿ ಜನ್ಮನಿ ।
ಮಾಮಪ್ರಾಪ್ಯೈವ ಕೌಂತೇಯ
ತತೋ ಯಾಂತ್ಯಧಮಾಂ ಗತಿಮ್ ॥ ೨೦ ॥
ಆಸುರೀಂ ಯೋನಿಮ್ ಆಪನ್ನಾಃ ಪ್ರತಿಪನ್ನಾಃ ಮೂಢಾಃ ಅವಿವೇಕಿನಃ ಜನ್ಮನಿ ಜನ್ಮನಿ ಪ್ರತಿಜನ್ಮ ತಮೋಬಹುಲಾಸ್ವೇವ ಯೋನಿಷು ಜಾಯಮಾನಾಃ ಅಧೋ ಗಚ್ಛಂತೋ ಮೂಢಾಃ ಮಾಮ್ ಈಶ್ವರಮ್ ಅಪ್ರಾಪ್ಯ ಅನಾಸಾದ್ಯ ಏವ ಹೇ ಕೌಂತೇಯ, ತತಃ ತಸ್ಮಾದಪಿ ಯಾಂತಿ ಅಧಮಾಂ ಗತಿಂ ನಿಕೃಷ್ಟತಮಾಂ ಗತಿಮ್ । ‘ಮಾಮ್ ಅಪ್ರಾಪ್ಯೈವ’ ಇತಿ ನ ಮತ್ಪ್ರಾಪ್ತೌ ಕಾಚಿದಪಿ ಆಶಂಕಾ ಅಸ್ತಿ, ಅತಃ ಮಚ್ಛಿಷ್ಟಸಾಧುಮಾರ್ಗಮ್ ಅಪ್ರಾಪ್ಯ ಇತ್ಯರ್ಥಃ ॥ ೨೦ ॥

ನನು ತೇಷಾಮಪಿ ಕ್ರಮೇಣ ಬಹೂನಾಂ ಜನ್ಮನಾಂ ಅಂತೇ ಶ್ರೇಯಃ ಭವಿಷ್ಯತಿ ? ನ ಇತಿ ಆಹ -

ಆಸುರೀಮಿತಿ ।

ತೇಷಾಂ ಈಶ್ವರಪ್ರಾಪ್ತಿಶಂಕಾಭಾವೇ ಕಥಂ ತನ್ನಿಷೇಧಃ ಸ್ಯಾತ್ ? ಇತಿ ಆಶಂಕ್ಯ ಆಹ -

ಮಾಮಿತ್ಯಾದಿನಾ ।

ಯಸ್ಮಾತ್ ಆಸುರೀ ಸಂಪತ್ ಅನರ್ಥಪರಂಪರಯಾ ಸರ್ವಪುರುಷಾರ್ಥಪರಿಪಂಥಿನೀ, ತಸ್ಮಾತ್ ಯಾವತ್ ಪುರುಷಃ ಸ್ವತಂತ್ರಃ ನ ಕಾಂಚಿತ್ ಪಾರವಶ್ಯಕರೀಂ ಯೋನಿಮ್ ಆಪನ್ನಃ, ತಾವದೇವ ತೇನ ಅಸೌ ಪರಿಹರಣೀಯಾ ಇತಿ ಸಮುದಾಯಾರ್ಥಃ

॥ ೨೦ ॥