अद्वैतशारदा | दक्षिणाम्नाय श्रीशारदापीठम्, शृङ्गेरी

ತಾನಹಂ ದ್ವಿಷತಃ ಕ್ರೂರಾನ್ಸಂಸಾರೇಷು ನರಾಧಮಾನ್ ।
ಕ್ಷಿಪಾಮ್ಯಜಸ್ರಮಶುಭಾನಾಸುರೀಷ್ವೇವ ಯೋನಿಷು ॥ ೧೯ ॥

ತಾನ್ ಅಹಂ ಸನ್ಮಾರ್ಗಪ್ರತಿಪಕ್ಷಭೂತಾನ್ ಸಾಧುದ್ವೇಷಿಣಃ ದ್ವಿಷತಶ್ಚ ಮಾಂ ಕ್ರೂರಾನ್ ಸಂಸಾರೇಷು ಏವ ಅನೇಕನರಕಸಂಸರಣಮಾರ್ಗೇಷು ನರಾಧಮಾನ್ ಅಧರ್ಮದೋಷವತ್ತ್ವಾತ್ ಕ್ಷಿಪಾಮಿ ಪ್ರಕ್ಷಿಪಾಮಿ ಅಜಸ್ರಂ ಸಂತತಮ್ ಅಶುಭಾನ್ ಅಶುಭಕರ್ಮಕಾರಿಣಃ ಆಸುರೀಷ್ವೇವ ಕ್ರೂರಕರ್ಮಪ್ರಾಯಾಸು ವ್ಯಾಘ್ರಸಿಂಹಾದಿಯೋನಿಷು ‘ಕ್ಷಿಪಾಮಿ’ ಇತ್ಯನೇನ ಸಂಬಂಧಃ ॥ ೧೯ ॥

ತಾನಿತಿ ; ಅಧರ್ಮೇತಿ ;

ತೇಷಾಂ ಉಕ್ತವಿಶೇಷಣವತಾಂ ಆಸುರಾಣಾಂ ಕಿಂ ಸ್ಯಾತ್ ಇತಿ ತತ್ ಆಹ -

ತಾನಿತಿ ।

ಭಗವತಃ ನೈರ್ಘೃಣ್ಯಪ್ರಸಂಗಂ ಪ್ರತ್ಯಾದಿಶತಿ -

ಅಧರ್ಮೇತಿ

॥ ೧೯ ॥