ಶ್ರೀಮದ್ಭಗವದ್ಗೀತಾಭಾಷ್ಯಮ್
ಸಪ್ತದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಶ್ರೀಭಗವಾನುವಾಚ —
ತ್ರಿವಿಧಾ ಭವತಿ ಶ್ರದ್ಧಾ
ದೇಹಿನಾಂ ಸಾ ಸ್ವಭಾವಜಾ ।
ಸಾತ್ತ್ವಿಕೀ ರಾಜಸೀ ಚೈವ
ತಾಮಸೀ ಚೇತಿ ತಾಂ ಶೃಣು ॥ ೨ ॥
ತ್ರಿವಿಧಾ ತ್ರಿಪ್ರಕಾರಾ ಭವತಿ ಶ್ರದ್ಧಾ, ಯಸ್ಯಾಂ ನಿಷ್ಠಾಯಾಂ ತ್ವಂ ಪೃಚ್ಛಸಿ, ದೇಹಿನಾಂ ಶರೀರಿಣಾಂ ಸಾ ಸ್ವಭಾವಜಾ ; ಜನ್ಮಾಂತರಕೃತಃ ಧರ್ಮಾದಿಸಂಸ್ಕಾರಃ ಮರಣಕಾಲೇ ಅಭಿವ್ಯಕ್ತಃ ಸ್ವಭಾವಃ ಉಚ್ಯತೇ, ತತೋ ಜಾತಾ ಸ್ವಭಾವಜಾ । ಸಾತ್ತ್ವಿಕೀ ಸತ್ತ್ವನಿರ್ವೃತ್ತಾ ದೇವಪೂಜಾದಿವಿಷಯಾ ; ರಾಜಸೀ ರಜೋನಿರ್ವೃತ್ತಾ ಯಕ್ಷರಕ್ಷಃಪೂಜಾದಿವಿಷಯಾ ; ತಾಮಸೀ ತಮೋನಿರ್ವೃತ್ತಾ ಪ್ರೇತಪಿಶಾಚಾದಿಪೂಜಾವಿಷಯಾ ; ಏವಂ ತ್ರಿವಿಧಾಂ ತಾಮ್ ಉಚ್ಯಮಾನಾಂ ಶ್ರದ್ಧಾಂ ಶೃಣು ಅವಧಾರಯ ॥ ೨ ॥
ಶ್ರೀಭಗವಾನುವಾಚ —
ತ್ರಿವಿಧಾ ಭವತಿ ಶ್ರದ್ಧಾ
ದೇಹಿನಾಂ ಸಾ ಸ್ವಭಾವಜಾ ।
ಸಾತ್ತ್ವಿಕೀ ರಾಜಸೀ ಚೈವ
ತಾಮಸೀ ಚೇತಿ ತಾಂ ಶೃಣು ॥ ೨ ॥
ತ್ರಿವಿಧಾ ತ್ರಿಪ್ರಕಾರಾ ಭವತಿ ಶ್ರದ್ಧಾ, ಯಸ್ಯಾಂ ನಿಷ್ಠಾಯಾಂ ತ್ವಂ ಪೃಚ್ಛಸಿ, ದೇಹಿನಾಂ ಶರೀರಿಣಾಂ ಸಾ ಸ್ವಭಾವಜಾ ; ಜನ್ಮಾಂತರಕೃತಃ ಧರ್ಮಾದಿಸಂಸ್ಕಾರಃ ಮರಣಕಾಲೇ ಅಭಿವ್ಯಕ್ತಃ ಸ್ವಭಾವಃ ಉಚ್ಯತೇ, ತತೋ ಜಾತಾ ಸ್ವಭಾವಜಾ । ಸಾತ್ತ್ವಿಕೀ ಸತ್ತ್ವನಿರ್ವೃತ್ತಾ ದೇವಪೂಜಾದಿವಿಷಯಾ ; ರಾಜಸೀ ರಜೋನಿರ್ವೃತ್ತಾ ಯಕ್ಷರಕ್ಷಃಪೂಜಾದಿವಿಷಯಾ ; ತಾಮಸೀ ತಮೋನಿರ್ವೃತ್ತಾ ಪ್ರೇತಪಿಶಾಚಾದಿಪೂಜಾವಿಷಯಾ ; ಏವಂ ತ್ರಿವಿಧಾಂ ತಾಮ್ ಉಚ್ಯಮಾನಾಂ ಶ್ರದ್ಧಾಂ ಶೃಣು ಅವಧಾರಯ ॥ ೨ ॥

ಕಿಮಿತಿ ಶ್ರದ್ಧಾತ್ರೈವಿಧ್ಯಂ ಪ್ರಶ್ನಾನುಪಯುಕ್ತಮ್ ಉಚ್ಯತೇ, ತತ್ರಾಹ -

ಯಸ್ಯಾಮಿತಿ ।

ಶ್ರಾದ್ಧಪೂರ್ವಿಕಾಯಾಂ ಕ್ರಿಯಾಯಾಮ್ ಇತಿ ಯಾವತ್ ।

ಶ್ರದ್ಧಾತ್ರೈವಿಧ್ಯೇ ಹೇತುಮ್ ಆಹ -

ಸಾ ಸ್ವಭಾವಜೇತಿ ।

ಸ್ವಭಾವಶಬ್ದಾರ್ಥಂ ಪ್ರಕೃತೋಪಯೋಗಿತಯಾ ಕಥಯತಿ -

ಜನ್ಮಾಂತರೇತಿ ।

ಕಥಂ ತ್ರಿವಿಧಾ ? ಇತಿ ಅಪೇಕ್ಷಾಯಾಮ್ ಆಹ -

ಸಾತ್ತ್ವಿಕೀತ್ಯಾದಿನಾ ।

ಕಥಮ್ ಉಕ್ತಾ ಶ್ರದ್ಧಾ ಸ್ವಭಾವಜಾ ? ಇತಿ ತತ್ರ ಆಹ -

ತಾಮಿತಿ

॥ ೨ ॥