ತಥಾಪಿ ಕಥಂ ಸತ್ತ್ವಾದಿನಿಷ್ಠಾ ಯಥೋಕ್ತಸ್ಯ ಪುರುಷಸ್ಯ ಜ್ಞಾತುಂ ಶಕ್ಯಾ ಇತಿ ಆಶಂಕ್ಯ ಆಹ -

ತತಶ್ಚೇತಿ ।

ಅಧಿಕೃತಸ್ಯ ಪುರುಷಸ್ಯ ಶ್ರದ್ಧಾಪ್ರಧಾನತ್ವಾತ್ ಇತಿ ಯಾವತ್ । ದೇವಾಃ - ವಸ್ವಾದಯಃ, ಯಕ್ಷಾಃ - ಕುಬೇರಾದಯಃ, ರಕ್ಷಾಂಸಿ ನೈರ್ಋತಾದಯಃ । ಸ್ವಧರ್ಮಾತ್ ಪ್ರಚ್ಯುತಾಃ ವಿಪ್ರಾದಯಃ ದೇಹಪಾತಾತ್ ಊರ್ಧ್ವಂ ವಾಯುದೇಹಮ್ ಆಪನ್ನಾಃ ಪ್ರೇತಾಃ । ಏಭ್ಯಶ್ಚ ಯಥಾಯಥಮ್ ಆರಾಧ್ಯದೇವಾದಯಃ ಸಾತ್ತ್ವಿಕರಾಜಸತಾಮಸಾನ್ ಪ್ರಕಾಮಾನ್ ಪ್ರಯಚ್ಛಂತೀತಿ ಸಾಮರ್ಥ್ಯಾತ್ ಅವಗಂತವ್ಯಮ್

॥ ೪ ॥