నను సత్త్వాదినిష్ఠాః శాస్త్రేణ జ్ఞాతుం శక్యన్తే, కుతః, కార్యలిఙ్గకానుమానేన ఇతి, తత్ర ఆహ -
ఎవమితి ।
సత్త్వాదినిష్ఠానాం జన్తూతామ్ అవాన్తరవిశేషం ప్రచురత్వాప్రచురత్వరూపం దర్శయతి -
తత్రేత్యాదినా ।
రాజసానాం తామసానాం చ ప్రాచుర్యం ప్రశ్నద్వారా వివృణోతి -
కథమిత్యాదినా ।
కామశ్చ కామ్యమానవిషయః । రాగశ్చ తద్విషయభోగాభిలాషః । తత్కృతం - తత్ప్రయుక్తం తన్నిమిత్తమితి యావత్
॥ ౫ ॥