తథాపి కథం సత్త్వాదినిష్ఠా యథోక్తస్య పురుషస్య జ్ఞాతుం శక్యా ఇతి ఆశఙ్క్య ఆహ -

తతశ్చేతి ।

అధికృతస్య పురుషస్య శ్రద్ధాప్రధానత్వాత్ ఇతి యావత్ । దేవాః - వస్వాదయః, యక్షాః - కుబేరాదయః, రక్షాంసి నైర్ఋతాదయః । స్వధర్మాత్ ప్రచ్యుతాః విప్రాదయః దేహపాతాత్ ఊర్ధ్వం వాయుదేహమ్ ఆపన్నాః ప్రేతాః । ఎభ్యశ్చ యథాయథమ్ ఆరాధ్యదేవాదయః సాత్త్వికరాజసతామసాన్ ప్రకామాన్ ప్రయచ్ఛన్తీతి సామర్థ్యాత్ అవగన్తవ్యమ్

॥ ౪ ॥