अद्वैतशारदा | दक्षिणाम्नाय श्रीशारदापीठम्, शृङ्गेरी

ಯಾತಯಾಮಂ ಗತರಸಂ ಪೂತಿ ಪರ್ಯುಷಿತಂ ಚ ಯತ್ ।
ಉಚ್ಛಿಷ್ಟಮಪಿ ಚಾಮೇಧ್ಯಂ ಭೋಜನಂ ತಾಮಸಪ್ರಿಯಮ್ ॥ ೧೦ ॥

ಯಾತಯಾಮಂ ಮಂದಪಕ್ವಮ್ , ನಿರ್ವೀರ್ಯಸ್ಯ ಗತರಸಶಬ್ದೇನ ಉಕ್ತತ್ವಾತ್ । ಗತರಸಂ ರಸವಿಯುಕ್ತಮ್ , ಪೂತಿ ದುರ್ಗಂಧಿ, ಪರ್ಯುಷಿತಂ ಚ ಪಕ್ವಂ ಸತ್ ರಾತ್ರ್ಯಂತರಿತಂ ಚ ಯತ್ , ಉಚ್ಛಿಷ್ಟಮಪಿ ಭುಕ್ತಶಿಷ್ಟಮ್ ಉಚ್ಛಿಷ್ಟಮ್ , ಅಮೇಧ್ಯಮ್ ಅಯಜ್ಞಾರ್ಹಮ್ , ಭೋಜನಮ್ ಈದೃಶಂ ತಾಮಸಪ್ರಿಯಮ್ ॥ ೧೦ ॥

ಯಾತಯಾಮಮಿತಿ ; ನಿರ್ವೀರ್ಯಸ್ಯೇತಿ ;

ತಾಮಸಪ್ರಿಯಮ್ ಆಹಾರಮ್ ಉದಾಹರತಿ -

ಯಾತಯಾಮಮಿತಿ ।

ನನು ನಿರ್ವೀರ್ಯಂ ಯಾತಯಾಮಮ್ ಉಚ್ಯತೇ, ನ ಪುನಃ ಸಾಮಿಪಕ್ವಮಿತಿ ? ನ ಇತ್ಯಾಹ -

ನಿರ್ವೀರ್ಯಸ್ಯೇತಿ

॥ ೧೦ ॥