अद्वैतशारदा | दक्षिणाम्नाय श्रीशारदापीठम्, शृङ्गेरी

అఫలాకాఙ్క్షిభిర్యజ్ఞో విధిదృష్టో య ఇజ్యతే ।
యష్టవ్యమేవేతి మనః సమాధాయ స సాత్త్వికః ॥ ౧౧ ॥

అఫలాకాఙ్క్షిభిః అఫలార్థిభిః యజ్ఞః విధిదృష్టః శాస్త్రచోదనాదృష్టో యః యజ్ఞః ఇజ్యతే నిర్వర్త్యతే, యష్టవ్యమేవేతి యజ్ఞస్వరూపనిర్వర్తనమేవ కార్యమ్ ఇతి మనః సమాధాయ, న అనేన పురుషార్థో మమ కర్తవ్యః ఇత్యేవం నిశ్చిత్య, సః సాత్త్వికః యజ్ఞః ఉచ్యతే ॥ ౧౧ ॥

అఫలేతి ;

తత్ర సాత్త్వికం యజ్ఞం జ్ఞాపయతి -

అఫలేతి ।

ఫలాభిసన్ధిం వినా యజ్ఞస్వరూపమేవ భావ్యమ్ ఇతి బుద్ధ్యా శాస్త్రతః అనుష్ఠీయమానః యజ్ఞః సాత్త్వికః ఇత్యర్థః

॥ ౧౧ ॥