ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಯಜ್ಞದಾನತಪಃಕರ್ಮ ನ ತ್ಯಾಜ್ಯಂ ಕಾರ್ಯಮೇವ ತತ್ ।
ಯಜ್ಞೋ ದಾನಂ ತಪಶ್ಚೈವ ಪಾವನಾನಿ ಮನೀಷಿಣಾಮ್ ॥ ೫ ॥
ಯಜ್ಞಃ ದಾನಂ ತಪಃ ಇತ್ಯೇತತ್ ತ್ರಿವಿಧಂ ಕರ್ಮ ನ ತ್ಯಾಜ್ಯಂ ನ ತ್ಯಕ್ತವ್ಯಮ್ , ಕಾರ್ಯಂ ಕರಣೀಯಮ್ ಏವ ತತ್ । ಕಸ್ಮಾತ್ ? ಯಜ್ಞಃ ದಾನಂ ತಪಶ್ಚೈವ ಪಾವನಾನಿ ವಿಶುದ್ಧಿಕರಾಣಿ ಮನೀಷಿಣಾಂ ಫಲಾನಭಿಸಂಧೀನಾಮ್ ಇತ್ಯೇತತ್ ॥ ೫ ॥
ಯಜ್ಞದಾನತಪಃಕರ್ಮ ನ ತ್ಯಾಜ್ಯಂ ಕಾರ್ಯಮೇವ ತತ್ ।
ಯಜ್ಞೋ ದಾನಂ ತಪಶ್ಚೈವ ಪಾವನಾನಿ ಮನೀಷಿಣಾಮ್ ॥ ೫ ॥
ಯಜ್ಞಃ ದಾನಂ ತಪಃ ಇತ್ಯೇತತ್ ತ್ರಿವಿಧಂ ಕರ್ಮ ನ ತ್ಯಾಜ್ಯಂ ನ ತ್ಯಕ್ತವ್ಯಮ್ , ಕಾರ್ಯಂ ಕರಣೀಯಮ್ ಏವ ತತ್ । ಕಸ್ಮಾತ್ ? ಯಜ್ಞಃ ದಾನಂ ತಪಶ್ಚೈವ ಪಾವನಾನಿ ವಿಶುದ್ಧಿಕರಾಣಿ ಮನೀಷಿಣಾಂ ಫಲಾನಭಿಸಂಧೀನಾಮ್ ಇತ್ಯೇತತ್ ॥ ೫ ॥

ಯಜ್ಞಾದೀನಾಂ ಕರ್ತವ್ಯತ್ವೇ ಹೇತುಮ್ ಆಹ -

ಯಜ್ಞ ಇತಿ ।

ನ ಕೇವಲಮ್ ಅತ್ಯಾಜ್ಯಂ, ಕಿಂತು ಕರ್ತವ್ಯಮೇವ ಇತ್ಯಾಹ -

ಕಾರ್ಯಮಿತಿ ।

ಪ್ರತಿಜ್ಞಾತಮ್ ಏವಂ ವಿಭಜ್ಯ ಹೇತುಂ ವಿಭಜತೇ -

ಕಸ್ಮಾದಿತಿ ।

॥ ೫ ॥