अद्वैतशारदा | दक्षिणाम्नाय श्रीशारदापीठम्, शृङ्गेरी

యజ్ఞదానతపఃకర్మ న త్యాజ్యం కార్యమేవ తత్ ।
యజ్ఞో దానం తపశ్చైవ పావనాని మనీషిణామ్ ॥ ౫ ॥

యజ్ఞః దానం తపః ఇత్యేతత్ త్రివిధం కర్మ న త్యాజ్యం న త్యక్తవ్యమ్ , కార్యం కరణీయమ్ ఎవ తత్ । కస్మాత్ ? యజ్ఞః దానం తపశ్చైవ పావనాని విశుద్ధికరాణి మనీషిణాం ఫలానభిసన్ధీనామ్ ఇత్యేతత్ ॥ ౫ ॥

యజ్ఞ ఇతి ; కార్యమితి ; కస్మాదితి ;

యజ్ఞాదీనాం కర్తవ్యత్వే హేతుమ్ ఆహ -

యజ్ఞ ఇతి ।

న కేవలమ్ అత్యాజ్యం, కిన్తు కర్తవ్యమేవ ఇత్యాహ -

కార్యమితి ।

ప్రతిజ్ఞాతమ్ ఎవం విభజ్య హేతుం విభజతే -

కస్మాదితి ।

॥ ౫ ॥