కర్తవ్యమ్ ఇత్యేవ ఇతి ఎవకారేణ నిత్యస్య భావ్యాన్తరం నిషిధ్యతే । నిత్యానాం విధ్యుద్దేశే ఫలాశ్రవణాత్ , తేషాం ఫలం త్యక్త్వా ఇతి అయుక్తమ్ , ఇతి ఆశఙ్క్య ఆహ-
నిత్యానామితి ।
ఫలం త్యకత్వా ఇత్యస్య విధాన్తరేణ తాత్పర్యమ్ ఆహ -
అథవేతి ।
న హి విధినా కృతం కర్మ అనర్థకం, విధ్యానర్థక్యాత్ । తేన శ్రౌతఫలాభావేఽపి నిత్యం కర్మ విధితః అనుతిష్ఠన్ , ఆత్మానమ్ అజానన్ అనుపహతమనస్త్వోక్త్యా తస్మిన్ కర్మణి ఆత్మసంస్కారం ఫలం కల్పయతి, తదకరణే ప్రత్యవాయస్మృత్యా తత్కరణం, కర్తుః ఆత్మనః తన్నివృత్తిం కరోతి ఇతి వా నిత్యే కర్మణి ఉక్తాం కల్పనామ్ అను నిష్పాదితఫలకల్పనాం చ ‘ఫలం త్యక్త్వా’ ఇతి అస్య భగవాన్ నివారయతి ఇత్యర్థః ।
నిత్యకర్మసు ఫలత్యాగోక్తేః సమ్భవే ఫలితమాహ -
అత ఇతి ।