ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ನ ದ್ವೇಷ್ಟ್ಯಕುಶಲಂ ಕರ್ಮ
ಕುಶಲೇ ನಾನುಷಜ್ಜತೇ ।
ತ್ಯಾಗೀ ಸತ್ತ್ವಸಮಾವಿಷ್ಟೋ
ಮೇಧಾವೀ ಚ್ಛಿನ್ನಸಂಶಯಃ ॥ ೧೦ ॥
ಯಃ ಅಧಿಕೃತಃ ಪುರುಷಃ ಪೂರ್ವೋಕ್ತೇನ ಪ್ರಕಾರೇಣ ಕರ್ಮಯೋಗಾನುಷ್ಠಾನೇನ ಕ್ರಮೇಣ ಸಂಸ್ಕೃತಾತ್ಮಾ ಸನ್ ಜನ್ಮಾದಿವಿಕ್ರಿಯಾರಹಿತತ್ವೇನ ನಿಷ್ಕ್ರಿಯಮ್ ಆತ್ಮಾನಮ್ ಆತ್ಮತ್ವೇನ ಸಂಬುದ್ಧಃ, ಸಃ ಸರ್ವಕರ್ಮಾಣಿ ಮನಸಾ ಸಂನ್ಯಸ್ಯ ನೈವ ಕುರ್ವನ್ ನ ಕಾರಯನ್ ಆಸೀನಃ ನೈಷ್ಕರ್ಮ್ಯಲಕ್ಷಣಾಂ ಜ್ಞಾನನಿಷ್ಠಾಮ್ ಅಶ್ನುತೇ ಇತ್ಯೇತತ್ । ಪೂರ್ವೋಕ್ತಸ್ಯ ಕರ್ಮಯೋಗಸ್ಯ ಪ್ರಯೋಜನಮ್ ಅನೇನೈವ ಶ್ಲೋಕೇನ ಉಕ್ತಮ್ ॥ ೧೦ ॥
ನ ದ್ವೇಷ್ಟ್ಯಕುಶಲಂ ಕರ್ಮ
ಕುಶಲೇ ನಾನುಷಜ್ಜತೇ ।
ತ್ಯಾಗೀ ಸತ್ತ್ವಸಮಾವಿಷ್ಟೋ
ಮೇಧಾವೀ ಚ್ಛಿನ್ನಸಂಶಯಃ ॥ ೧೦ ॥
ಯಃ ಅಧಿಕೃತಃ ಪುರುಷಃ ಪೂರ್ವೋಕ್ತೇನ ಪ್ರಕಾರೇಣ ಕರ್ಮಯೋಗಾನುಷ್ಠಾನೇನ ಕ್ರಮೇಣ ಸಂಸ್ಕೃತಾತ್ಮಾ ಸನ್ ಜನ್ಮಾದಿವಿಕ್ರಿಯಾರಹಿತತ್ವೇನ ನಿಷ್ಕ್ರಿಯಮ್ ಆತ್ಮಾನಮ್ ಆತ್ಮತ್ವೇನ ಸಂಬುದ್ಧಃ, ಸಃ ಸರ್ವಕರ್ಮಾಣಿ ಮನಸಾ ಸಂನ್ಯಸ್ಯ ನೈವ ಕುರ್ವನ್ ನ ಕಾರಯನ್ ಆಸೀನಃ ನೈಷ್ಕರ್ಮ್ಯಲಕ್ಷಣಾಂ ಜ್ಞಾನನಿಷ್ಠಾಮ್ ಅಶ್ನುತೇ ಇತ್ಯೇತತ್ । ಪೂರ್ವೋಕ್ತಸ್ಯ ಕರ್ಮಯೋಗಸ್ಯ ಪ್ರಯೋಜನಮ್ ಅನೇನೈವ ಶ್ಲೋಕೇನ ಉಕ್ತಮ್ ॥ ೧೦ ॥

ನ ದ್ವೇಷ್ಟಿ ಇತ್ಯಾದಿನಾ ಶ್ಲೋಕೇನ ಉಕ್ತಮ್ ಅರ್ಥಂ ಸಂಕ್ಷಿಪ್ಯ ಅನುವದತಿ -

ಯೋಽಧಿಕೃತ ಇತಿ ।

ಪೂರ್ವೋಕ್ತಪ್ರಕಾರೇಣ ಇತಿ ಕರ್ಮಣಿ ತತ್ಫಲೇ ಚ ಸಂಗತ್ಯಾಗೇನ ಇತ್ಯರ್ಥಃ । ಕರ್ಮಾತ್ಮಯೋಗಸ್ಯ ಅನುಷ್ಠಾನೇನ ಸಂಸ್ಕೃತಾತ್ಮಾ ಸನ್ ಕ್ರಮೇಣ ಶ್ರವಣಾದ್ಯನುಷ್ಠಾನದ್ವಾರೇಣ ಕೂಟಸ್ಥಂ ಬ್ರಹ್ಮ ಪ್ರತ್ಯಕ್ತ್ವೇನ ಸಂಬುದ್ಧಃ ಇತಿ ಸಂಬಂಧಃ ।

ಪರಸ್ಯ ನಿಷ್ಕ್ರಿಯತ್ವೇ ಹೇತುಮ್ ಆಹ -

ಜನ್ಮಾದೀತಿ ।

ಉಕ್ತಜ್ಞಾನವತಃ ಸರ್ವಕರ್ಮತ್ಯಾಗದ್ವಾರಾ ಮುಕ್ತಿಭಾಕ್ತ್ವಂ ದರ್ಶಯತಿ -

ಸ ಸರ್ವೇತಿ

॥ ೧೦ ॥