अद्वैतशारदा | दक्षिणाम्नाय श्रीशारदापीठम्, शृङ्गेरी

పృథక్త్వేన తు యజ్జ్ఞానం
నానాభావాన్పృథగ్విధాన్ ।
వేత్తి సర్వేషు భూతేషు
తజ్జ్ఞానం విద్ధి రాజసమ్ ॥ ౨౧ ॥

పృథక్త్వేన తు భేదేన ప్రతిశరీరమ్ అన్యత్వేన యత్ జ్ఞానం నానాభావాన్ భిన్నాన్ ఆత్మనః పృథగ్విధాన్ పృథక్ప్రకారాన్ భిన్నలక్షణాన్ ఇత్యర్థః, వేత్తి విజానాతి యత్ జ్ఞానం సర్వేషు భూతేషు, జ్ఞానస్య కర్తృత్వాసమ్భవాత్ యేన జ్ఞానేన వేత్తి ఇత్యర్థః, తత్ జ్ఞానం విద్ధి రాజసం రజోగుణనిర్వృత్తమ్ ॥ ౨౧ ॥

భేదేనేతి ; భిన్నేతి ; యేనేతి ;

ప్రతిదేహమ్ అన్యత్వేన భిన్నాత్మనః యేన జ్ఞానేన జానాతి, తత్ జ్ఞానం రాజసమ్ ఇతి వ్యాచష్టే -

భేదేనేతి ।

పృథక్త్వం పృథగ్విధత్వం చ పునరుక్తమ్ ఇతి ఆశఙ్క్య, హేతుహేతుమత్త్వేన విభాగం వివక్షిత్వా ఆహ -

భిన్నేతి ।

జ్ఞానస్య జ్ఞానకర్తృత్వమ్ అయుక్తమ్ ఇతి ఆశఙ్క్య, ఆహ -

యేనేతి

॥ ౨౧ ॥