अद्वैतशारदा | दक्षिणाम्नाय श्रीशारदापीठम्, शृङ्गेरी

ಅನುಬಂಧಂ ಕ್ಷಯಂ ಹಿಂಸಾಮನಪೇಕ್ಷ್ಯ ಚ ಪೌರುಷಮ್ ।
ಮೋಹಾದಾರಭ್ಯತೇ ಕರ್ಮ ಯತ್ತತ್ತಾಮಸಮುಚ್ಯತೇ ॥ ೨೫ ॥

ಅನುಬಂಧಂ ಪಶ್ಚಾದ್ಭಾವಿ ಯತ್ ವಸ್ತು ಸಃ ಅನುಬಂಧಃ ಉಚ್ಯತೇ ತಂ ಚ ಅನುಬಂಧಮ್ , ಕ್ಷಯಂ ಯಸ್ಮಿನ್ ಕರ್ಮಣಿ ಕ್ರಿಯಮಾಣೇ ಶಕ್ತಿಕ್ಷಯಃ ಅರ್ಥಕ್ಷಯೋ ವಾ ಸ್ಯಾತ್ ತಂ ಕ್ಷಯಮ್ , ಹಿಂಸಾಂ ಪ್ರಾಣಿಬಾಧಾಂ ಚ ; ಅನಪೇಕ್ಷ್ಯ ಚ ಪೌರುಷಂ ಪುರುಷಕಾರಮ್ ‘ಶಕ್ನೋಮಿ ಇದಂ ಕರ್ಮ ಸಮಾಪಯಿತುಮ್’ ಇತ್ಯೇವಮ್ ಆತ್ಮಸಾಮರ್ಥ್ಯಮ್ , ಇತ್ಯೇತಾನಿ ಅನುಬಂಧಾದೀನಿ ಅನಪೇಕ್ಷ್ಯ ಪೌರುಷಾಂತಾನಿ ಮೋಹಾತ್ ಅವಿವೇಕತಃ ಆರಭ್ಯತೇ ಕರ್ಮ ಯತ್ , ತತ್ ತಾಮಸಂ ತಮೋನಿರ್ವೃತ್ತಮ್ ಉಚ್ಯತೇ ॥ ೨೫ ॥

ಅನುಬಂಧಮಿತ್ಯಾದಿನಾ ;

ಸಂಪ್ರತಿ ತಾಪಸಂ ಕರ್ಮ ಉದಾಹರತಿ-

ಅನುಬಂಧಮಿತ್ಯಾದಿನಾ

॥ ೨೫ ॥