ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ರಾಗೀ ಕರ್ಮಫಲಪ್ರೇಪ್ಸುರ್ಲುಬ್ಧೋ ಹಿಂಸಾತ್ಮಕೋಽಶುಚಿಃ ।
ಹರ್ಷಶೋಕಾನ್ವಿತಃ ಕರ್ತಾ ರಾಜಸಃ ಪರಿಕೀರ್ತಿತಃ ॥ ೨೭ ॥
ರಾಗೀ ರಾಗಃ ಅಸ್ಯ ಅಸ್ತೀತಿ ರಾಗೀ, ಕರ್ಮಫಲಪ್ರೇಪ್ಸುಃ ಕರ್ಮಫಲಾರ್ಥೀ ಇತ್ಯರ್ಥಃ, ಲುಬ್ಧಃ ಪರದ್ರವ್ಯೇಷು ಸಂಜಾತತೃಷ್ಣಃ, ತೀರ್ಥಾದೌ ಸ್ವದ್ರವ್ಯಾಪರಿತ್ಯಾಗೀ ವಾ, ಹಿಂಸಾತ್ಮಕಃ ಪರಪೀಡಾಕರಸ್ವಭಾವಃ, ಅಶುಚಿಃ ಬಾಹ್ಯಾಭ್ಯಂತರಶೌಚವರ್ಜಿತಃ, ಹರ್ಷಶೋಕಾನ್ವಿತಃ ಇಷ್ಟಪ್ರಾಪ್ತೌ ಹರ್ಷಃ ಅನಿಷ್ಟಪ್ರಾಪ್ತೌ ಇಷ್ಟವಿಯೋಗೇ ಚ ಶೋಕಃ ತಾಭ್ಯಾಂ ಹರ್ಷಶೋಕಾಭ್ಯಾಮ್ ಅನ್ವಿತಃ ಸಂಯುಕ್ತಃ, ತಸ್ಯೈವ ಚ ಕರ್ಮಣಃ ಸಂಪತ್ತಿವಿಪತ್ತಿಭ್ಯಾಂ ಹರ್ಷಶೋಕೌ ಸ್ಯಾತಾಮ್ , ತಾಭ್ಯಾಂ ಸಂಯುಕ್ತೋ ಯಃ ಕರ್ತಾ ಸಃ ರಾಜಸಃ ಪರಿಕೀರ್ತಿತಃ ॥ ೨೭ ॥
ರಾಗೀ ಕರ್ಮಫಲಪ್ರೇಪ್ಸುರ್ಲುಬ್ಧೋ ಹಿಂಸಾತ್ಮಕೋಽಶುಚಿಃ ।
ಹರ್ಷಶೋಕಾನ್ವಿತಃ ಕರ್ತಾ ರಾಜಸಃ ಪರಿಕೀರ್ತಿತಃ ॥ ೨೭ ॥
ರಾಗೀ ರಾಗಃ ಅಸ್ಯ ಅಸ್ತೀತಿ ರಾಗೀ, ಕರ್ಮಫಲಪ್ರೇಪ್ಸುಃ ಕರ್ಮಫಲಾರ್ಥೀ ಇತ್ಯರ್ಥಃ, ಲುಬ್ಧಃ ಪರದ್ರವ್ಯೇಷು ಸಂಜಾತತೃಷ್ಣಃ, ತೀರ್ಥಾದೌ ಸ್ವದ್ರವ್ಯಾಪರಿತ್ಯಾಗೀ ವಾ, ಹಿಂಸಾತ್ಮಕಃ ಪರಪೀಡಾಕರಸ್ವಭಾವಃ, ಅಶುಚಿಃ ಬಾಹ್ಯಾಭ್ಯಂತರಶೌಚವರ್ಜಿತಃ, ಹರ್ಷಶೋಕಾನ್ವಿತಃ ಇಷ್ಟಪ್ರಾಪ್ತೌ ಹರ್ಷಃ ಅನಿಷ್ಟಪ್ರಾಪ್ತೌ ಇಷ್ಟವಿಯೋಗೇ ಚ ಶೋಕಃ ತಾಭ್ಯಾಂ ಹರ್ಷಶೋಕಾಭ್ಯಾಮ್ ಅನ್ವಿತಃ ಸಂಯುಕ್ತಃ, ತಸ್ಯೈವ ಚ ಕರ್ಮಣಃ ಸಂಪತ್ತಿವಿಪತ್ತಿಭ್ಯಾಂ ಹರ್ಷಶೋಕೌ ಸ್ಯಾತಾಮ್ , ತಾಭ್ಯಾಂ ಸಂಯುಕ್ತೋ ಯಃ ಕರ್ತಾ ಸಃ ರಾಜಸಃ ಪರಿಕೀರ್ತಿತಃ ॥ ೨೭ ॥

ರಾಜಸಂ ಕರ್ತಾರಂ ಕಥಯತಿ -

ರಾಗೀತಿ ।

ಕರ್ಮವಿಷಯಃ ರಾಗಃ, ಕರ್ಮಫಲಪ್ರೇಪ್ಸುರಿತಿ ಫಲರಾಗಸ್ಯ ಪೃಥಕ್ ಕಥನಾತ್ । ಸ್ವಾಭಿಪ್ರಾಯಾಪ್ರಕಟೀಕರಣಪೂರ್ವಕಂ ಪರಪೀಡನಂ ಪರವಿಚ್ಛೇದನಂ ತೇನ ಸ್ವಾರ್ಥಪರಃ ಇತ್ಯರ್ಥಃ

॥ ೨೭ ॥