अद्वैतशारदा | दक्षिणाम्नाय श्रीशारदापीठम्, शृङ्गेरी

यदग्रे चानुबन्धे च सुखं मोहनमात्मनः ।
निद्रालस्यप्रमादोत्थं तत्तामसमुदाहृतम् ॥ ३९ ॥

यत् अग्रे च अनुबन्धे च अवसानोत्तरकाले च सुखं मोहनं मोहकरम् आत्मनः निद्रालस्यप्रमादोत्थं निद्रा च आलस्यं च प्रमादश्च तेभ्यः समुत्तिष्ठतीति निद्रालस्यप्रमादोत्थम् , तत् तामसम् उदाहृतम् ॥ ३९ ॥

यदग्रे चेति ; अवसानेति ; निद्रेति ;

तामसं सुखं त्यागार्थमेव उदाहरति -

यदग्रे चेति ।

अनुबन्धशब्दार्थम् आह -

अवसानेति ।

मोहनं - मोहकरम् ।

तदुत्पत्तिहेतुम् आह -

निद्रेति

॥ ३९ ॥