ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಶ್ರೇಯಾನ್ಸ್ವಧರ್ಮೋ ವಿಗುಣಃ
ಪರಧರ್ಮಾತ್ಸ್ವನುಷ್ಠಿತಾತ್ ।
ಸ್ವಭಾವನಿಯತಂ ಕರ್ಮ
ಕುರ್ವನ್ನಾಪ್ನೋತಿ ಕಿಲ್ಬಿಷಮ್ ॥ ೪೭ ॥
ಶ್ರೇಯಾನ್ ಪ್ರಶಸ್ಯತರಃ ಸ್ವೋ ಧರ್ಮಃ ಸ್ವಧರ್ಮಃ, ವಿಗುಣೋಽಪಿ ಇತಿ ಅಪಿಶಬ್ದೋ ದ್ರಷ್ಟವ್ಯಃ, ಪರಧರ್ಮಾತ್ । ಸ್ವಭಾವನಿಯತಂ ಸ್ವಭಾವೇನ ನಿಯತಮ್ , ಯದುಕ್ತಂ ಸ್ವಭಾವಜಮಿತಿ, ತದೇವೋಕ್ತಂ ಸ್ವಭಾವನಿಯತಮ್ ಇತಿ ; ಯಥಾ ವಿಷಜಾತಸ್ಯ ಕೃಮೇಃ ವಿಷಂ ನ ದೋಷಕರಮ್ , ತಥಾ ಸ್ವಭಾವನಿಯತಂ ಕರ್ಮ ಕುರ್ವನ್ ನ ಆಪ್ನೋತಿ ಕಿಲ್ಬಿಷಂ ಪಾಪಮ್ ॥ ೪೭ ॥
ಶ್ರೇಯಾನ್ಸ್ವಧರ್ಮೋ ವಿಗುಣಃ
ಪರಧರ್ಮಾತ್ಸ್ವನುಷ್ಠಿತಾತ್ ।
ಸ್ವಭಾವನಿಯತಂ ಕರ್ಮ
ಕುರ್ವನ್ನಾಪ್ನೋತಿ ಕಿಲ್ಬಿಷಮ್ ॥ ೪೭ ॥
ಶ್ರೇಯಾನ್ ಪ್ರಶಸ್ಯತರಃ ಸ್ವೋ ಧರ್ಮಃ ಸ್ವಧರ್ಮಃ, ವಿಗುಣೋಽಪಿ ಇತಿ ಅಪಿಶಬ್ದೋ ದ್ರಷ್ಟವ್ಯಃ, ಪರಧರ್ಮಾತ್ । ಸ್ವಭಾವನಿಯತಂ ಸ್ವಭಾವೇನ ನಿಯತಮ್ , ಯದುಕ್ತಂ ಸ್ವಭಾವಜಮಿತಿ, ತದೇವೋಕ್ತಂ ಸ್ವಭಾವನಿಯತಮ್ ಇತಿ ; ಯಥಾ ವಿಷಜಾತಸ್ಯ ಕೃಮೇಃ ವಿಷಂ ನ ದೋಷಕರಮ್ , ತಥಾ ಸ್ವಭಾವನಿಯತಂ ಕರ್ಮ ಕುರ್ವನ್ ನ ಆಪ್ನೋತಿ ಕಿಲ್ಬಿಷಂ ಪಾಪಮ್ ॥ ೪೭ ॥

ನನು ಯುದ್ಧಾದಿಲಕ್ಷಣಂ ಸ್ವಧರ್ಮಂ ಕುರ್ವನ್ನಪಿ ಹಿಂಸಾಧೀನಂ ಪಾಪಂ ಪ್ರಾಪ್ನೋತಿ ತತ್ ಕಥಂ ಸ್ವಧರ್ಮಃ ಶ್ರೇಯಾನ್ ಇತಿ ? ತತ್ರ ಆಹ -

ಸ್ವಭಾವೇತಿ ।

ಸ್ವಕೀಯಂ ವರ್ಣಾಶ್ರಮಂ ನಿಮಿತ್ತೀಕೃತ್ಯ ವಿಹಿತಂ ಸ್ವಭಾವಜಮ್ ಇತಿ ಅಧಸ್ತಾತ್ ಉಕ್ತಮ್ ಇತ್ಯಾಹ -

ಯದುಕ್ತಮಿತಿ ।

ವಿಗ್ರಹಾತ್ಮಕಮಪಿ ವಿಹಿತಂ ಕರ್ಮ ಕುರ್ವನ್ ಪಾಪಂ ನ ಆಪ್ನೋತಿ ಇತಿ ಅತ್ರ ದೃಷ್ಟಾಂತಮ್ ಆಹ -

ಯಥೇತಿ

॥ ೪೭ ॥