धर्मविशेषणात् अधर्मानुज्ञां वारयति -

धर्मेति ।

ज्ञाननिष्ठेन मुमुक्षुणा धर्माधर्मयोः त्याज्यत्वे श्रुतिस्मृती उदाहरति -

नाविरत इति ।

‘मामेकं’ इत्यादेः तात्पर्यम् आह -

न मत्तः अन्यदिति ।

अर्जुनस्य क्षत्रियत्वात् उक्तसंन्यासद्वारा ज्ञाननिष्ठायां मुख्यानधिकारेऽपि तं पुरस्कृत्य अधिकारिभ्यः तस्य उपदिदिक्षितत्वात् अविरोधम् अभिप्रेत्य आह -

अहं त्वेति ।

उक्तेऽर्थे दाशमिकं वाक्यम् अनुकूलयति -

उक्तं चेति ।

ईश्वरस्य त्वदीयबन्धनिरसनद्वारा त्वत्पालयितृत्वात् न ते शोकावकाशः अस्ति इत्याह -

अत इति