ధర్మవిశేషణాత్ అధర్మానుజ్ఞాం వారయతి -

ధర్మేతి ।

జ్ఞాననిష్ఠేన ముముక్షుణా ధర్మాధర్మయోః త్యాజ్యత్వే శ్రుతిస్మృతీ ఉదాహరతి -

నావిరత ఇతి ।

‘మామేకం’ ఇత్యాదేః తాత్పర్యమ్ ఆహ -

న మత్తః అన్యదితి ।

అర్జునస్య క్షత్రియత్వాత్ ఉక్తసంన్యాసద్వారా జ్ఞాననిష్ఠాయాం ముఖ్యానధికారేఽపి తం పురస్కృత్య అధికారిభ్యః తస్య ఉపదిదిక్షితత్వాత్ అవిరోధమ్ అభిప్రేత్య ఆహ -

అహం త్వేతి ।

ఉక్తేఽర్థే దాశమికం వాక్యమ్ అనుకూలయతి -

ఉక్తం చేతి ।

ఈశ్వరస్య త్వదీయబన్ధనిరసనద్వారా త్వత్పాలయితృత్వాత్ న తే శోకావకాశః అస్తి ఇత్యాహ -

అత ఇతి