ಧರ್ಮಾಧರ್ಮಾದ್ಯಸಂಸೃಷ್ಟಂ ಕಾರ್ಯಕಾರಣವರ್ಜಿತಮ್ ।
ಕಾಲಾದಿಭಿರವಿಚ್ಛಿನ್ನಂ ಬ್ರಹ್ಮ ಯತ್ತನ್ನಮಾಮ್ಯಹಮ್ ॥ ೧ ॥

ಯಃ ಸಾಕ್ಷಾತ್ಕೃತಪರಮಾನಂದೋ ಯಾವದಧಿಕಾರಂ ಯಾಮ್ಯೇ ಪದೇ ವರ್ತಮಾನೋಽಕರ್ತೃಬ್ರಹ್ಮಾತ್ಮತಾನುಭವಬಲತೋ ಭೂತಯಾತನಾನಿಮಿತ್ತದೋಷೈರಲಿಪ್ತಸ್ವಭಾವ ಆಚಾರ್ಯೋ ವರಪ್ರದಾನೇನ ಪರಬ್ರಹ್ಮಾತ್ಮೈಕ್ಯವಿದ್ಯಾಮುಪದಿದೇಶ ಯಸ್ಮೈ ಚೋಪದಿದೇಶ ತಾಭ್ಯಾಂ ನಮಸ್ಕುರ್ವನ್ನಾಚಾರ್ಯಭಕ್ತೇರ್ವಿದ್ಯಾಪ್ರಾಪ್ತ್ಯಂಗತ್ವಂ ದರ್ಶಯತಿ -

ಓಂ ನಮೋ ಭಗವತೇ ವೈವಸ್ವತಾಯೇತಿ ।

ಅಥಶಬ್ದೋ ಮಂಗಲಾರ್ಥಃ ।