अद्वैतशारदा | दक्षिणाम्नाय श्रीशारदापीठम्, शृङ्गेरी

ಯಥಾ ಪುರಸ್ತಾದ್ಭವಿತಾ ಪ್ರತೀತ ಔದ್ದಾಲಕಿರಾರುಣಿರ್ಮತ್ಪ್ರಸೃಷ್ಟಃ ।
ಸುಖಂ ರಾತ್ರೀಃ ಶಯಿತಾ ವೀತಮನ್ಯುಸ್ತ್ವಾಂ ದದೃಶಿವಾನ್ಮೃತ್ಯುಮುಖಾತ್ಪ್ರಮುಕ್ತಮ್ ॥ ೧೧ ॥

ಮೃತ್ಯುರುವಾಚ — ಯಥಾ ಬುದ್ಧಿಃ ತ್ವಯಿ ಪುರಸ್ತಾತ್ ಪೂರ್ವಮ್ ಆಸೀತ್ಸ್ನೇಹಸಮನ್ವಿತಾ ಪಿತುಸ್ತವ, ಭವಿತಾ ಪ್ರೀತಿಸಮನ್ವಿತಸ್ತವ ಪಿತಾ ತಥೈವ ಪ್ರತೀತಃ ಪ್ರತೀತವಾನ್ಸನ್ । ಔದ್ದಾಲಕಿಃ ಉದ್ದಾಲಕ ಏವ ಔದ್ದಾಲಕಿಃ ಅರುಣಸ್ಯಾಪತ್ಯಮ್ ಆರುಣಿಃ ದ್ವ್ಯಾಮುಷ್ಯಾಯಣೋ ವಾ ಮತ್ಪ್ರಸೃಷ್ಟಃ ಮಯಾನುಜ್ಞಾತಃ ಸನ್ ಉತ್ತರಾ ಅಪಿ ರಾತ್ರೀಃ ಸುಖಂ ಪ್ರಸನ್ನಮನಾಃ ಶಯಿತಾ ಸ್ವಪ್ತಾ ವೀತಮನ್ಯುಃ ವಿಗತಮನ್ಯುಶ್ಚ ಭವಿತಾ ಸ್ಯಾತ್ , ತ್ವಾಂ ಪುತ್ರಂ ದದೃಶಿವಾನ್ ದೃಷ್ಟವಾನ್ ಸನ್ ಮೃತ್ಯುಮುಖಾತ್ ಮೃತ್ಯುಗೋಚರಾತ್ ಪ್ರಮುಕ್ತಂ ಸಂತಮ್ ॥

ದ್ವ್ಯಾಮುಷ್ಯಾಯಣೋ ವೇತಿ ;

ಔದ್ದಾಲಕಿರಿತಿ ತದ್ಧಿತಃ ಸ್ವಾರ್ಥೇ ವ್ಯಾಖ್ಯಾತೋಽಪತ್ಯಾರ್ಥೇ ವ್ಯಾಖ್ಯೇಯ ಇತ್ಯಾಹ -

ದ್ವ್ಯಾಮುಷ್ಯಾಯಣೋ ವೇತಿ ।

ಅಮುಷ್ಯ ಪ್ರಖ್ಯಾತಸ್ಯಾಪತ್ಯಮಾಮುಷ್ಯಾಯಣಃ । ದ್ವಯೋಃ ಪಿತ್ರೋಃ ಪೂರ್ವಭಾಷಾದಿನಾ ಸಂಬಂಧೀ ಚಾಸಾವಾಮುಷ್ಯಾಯಣಶ್ಚ । ನ ಜಾರಜ ಇತ್ಯರ್ಥಃ ॥ ೧೧ ॥