మృత్యురువాచ — యథా బుద్ధిః త్వయి పురస్తాత్ పూర్వమ్ ఆసీత్స్నేహసమన్వితా పితుస్తవ, భవితా ప్రీతిసమన్వితస్తవ పితా తథైవ ప్రతీతః ప్రతీతవాన్సన్ । ఔద్దాలకిః ఉద్దాలక ఎవ ఔద్దాలకిః అరుణస్యాపత్యమ్ ఆరుణిః ద్వ్యాముష్యాయణో వా మత్ప్రసృష్టః మయానుజ్ఞాతః సన్ ఉత్తరా అపి రాత్రీః సుఖం ప్రసన్నమనాః శయితా స్వప్తా వీతమన్యుః విగతమన్యుశ్చ భవితా స్యాత్ , త్వాం పుత్రం దదృశివాన్ దృష్టవాన్ సన్ మృత్యుముఖాత్ మృత్యుగోచరాత్ ప్రముక్తం సన్తమ్ ॥