మృత్యోః ప్రతిజ్ఞేయమ్ — తే తుభ్యం ప్రబ్రవీమి ; యత్త్వయా ప్రార్థితం తత్ ఉ మే మమ వచసః నిబోధ బుధ్యస్వ ఎకాగ్రమనాః సన్ । స్వర్గ్యం స్వర్గాయ హితం స్వర్గసాధనమ్ అగ్నిం హే నచికేతః ప్రజానన్ విజ్ఞాతవాన్సన్నహమిత్యర్థః । ప్రబ్రవీమి తన్నిబోధేతి చ శిష్యబుద్ధిసమాధానార్థం వచనమ్ । అధునాగ్నిం స్తౌతి — అనన్తలోకాప్తిం స్వర్గలోకఫలప్రాప్తిసాధనమిత్యేతత్ , అథో అపి ప్రతిష్ఠామ్ ఆశ్రయం జగతో విరాట్స్వరూపేణ, తమ్ ఎతమ్ అగ్నిం మయోచ్యమానం విద్ధి విజానీహి త్వం నిహితం స్థితం గుహాయామ్ । విదుషాం బుద్ధౌ నివిష్టమిత్యర్థః ॥