ఇదం శ్రుతేర్వచనమ్ — లోకాదిం లోకానామాదిం ప్రథమశరీరిత్వాత్ అగ్నిం తం ప్రకృతం నచికేతసా ప్రార్థితమ్ ఉవాచ ఉక్తవాన్మృత్యుః తస్మై నచికేతసే । కిఞ్చ, యాః ఇష్టకాః చేతవ్యాః స్వరూపేణ యావతీర్వా సఙ్ఖ్యయా యథా వా చీయతేఽగ్నిర్యేన ప్రకారేణ సర్వమేతదుక్తవానిత్యర్థః । స చాపి నచికేతాః తత్ మృత్యునోక్తం ప్రత్యవదత్ యథావత్ప్రత్యయేనావదత్ ప్రత్యుచ్చారితవాన్ । అథ అస్య ప్రత్యుచ్చారణేన తుష్టః సన్ మృత్యుః పునరేవాహ వరత్రయవ్యతిరేకేణాన్యం వరం దిత్సుః ॥