ಕಿಂಚಾನ್ಯತ್ । ನ ದುಶ್ಚರಿತಾತ್ ಪ್ರತಿಷಿದ್ಧಾಚ್ಛ್ರುತಿಸ್ಮೃತ್ಯವಿಹಿತಾತ್ಪಾಪಕರ್ಮಣಃ ಅವಿರತಃ ಅನುಪರತಃ । ನಾಪಿ ಇಂದ್ರಿಯಲೌಲ್ಯಾತ್ ಅಶಾಂತಃ ಅನುಪರತಃ । ನಾಪಿ ಅಸಮಾಹಿತಃಅನೇಕಾಗ್ರಮನಾಃ ವಿಕ್ಷಿಪ್ತಚಿತ್ತಃ । ಸಮಾಹಿತಚಿತ್ತೋಽಪಿ ಸನ್ಸಮಾಧಾನಫಲಾರ್ಥಿತ್ವಾತ್ ನಾಪಿ ಅಶಾಂತಮಾನಸಃ ವ್ಯಾಪೃತಚಿತ್ತೋ ವಾ । ಪ್ರಜ್ಞಾನೇನ ಬ್ರಹ್ಮವಿಜ್ಞಾನೇನ ಏನಂ ಪ್ರಕೃತಮಾತ್ಮಾನಮ್ ಆಪ್ನುಯಾತ್ , ಯಸ್ತು ದುಶ್ಚರಿತಾದ್ವಿರತ ಇಂದ್ರಿಯಲೌಲ್ಯಾಚ್ಚ, ಸಮಾಹಿತಚಿತ್ತಃ ಸಮಾಧಾನಫಲಾದಪ್ಯುಪಶಾಂತಮಾನಸಶ್ಚಾಚಾರ್ಯವಾನ್ ಪ್ರಜ್ಞಾನೇನ ಏವಂ ಯಥೋಕ್ತಮಾತ್ಮಾನಂ ಪ್ರಾಪ್ನೋತೀತ್ಯರ್ಥಃ ॥