अद्वैतशारदा | दक्षिणाम्नाय श्रीशारदापीठम्, शृङ्गेरी

ಯಸ್ಯ ಬ್ರಹ್ಮ ಚ ಕ್ಷತ್ರಂ ಚ ಉಭೇ ಭವತ ಓದನಃ ।
ಮೃತ್ಯುರ್ಯಸ್ಯೋಪಸೇಚನಂ ಕ ಇತ್ಥಾ ವೇದ ಯತ್ರ ಸಃ ॥ ೨೫ ॥

ಯಸ್ತ್ವನೇವಂಭೂತಃ ಯಸ್ಯ ಆತ್ಮನಃ ಬ್ರಹ್ಮ ಚ ಕ್ಷತ್ರಂ ಚ ಬ್ರಹ್ಮಕ್ಷತ್ರೇ ಸರ್ವಧರ್ಮವಿಧಾರಕೇ ಅಪಿ ಸರ್ವಪ್ರಾಣಭೂತೇ ಉಭೇ ಓದನಃ ಅಶನಂ ಭವತಃ ಸ್ಯಾತಾಮ್ , ಸರ್ವಹರೋಽಪಿ ಮೃತ್ಯುಃ ಯಸ್ಯ ಉಪಸೇಚನಮಿವೌದನಸ್ಯ, ಅಶನತ್ವೇಽಪ್ಯಪರ್ಯಾಪ್ತಃ, ತಂ ಪ್ರಾಕೃತಬುದ್ಧಿರ್ಯಥೋಕ್ತಸಾಧನಾನಭಿಯುಕ್ತಃ ಸನ್ ಕಃ ಇತ್ಥಾ ಇತ್ಥಮೇವಂ ಯಥೋಕ್ತಸಾಧನವಾನಿವೇತ್ಯರ್ಥಃ, ವೇದ ವಿಜಾನಾತಿ ಯತ್ರ ಸಃ ಆತ್ಮೇತಿ ॥

ಅಶನತ್ವೇಽಪ್ಯಪರ್ಯಾಪ್ತ ಇತಿ ;

ಯಸ್ತ್ವನೇವಂಭೂತ ಉಕ್ತಸಾಧನಸಂಪನ್ನೋ ನ ಭವತಿ ಸ ಕಥಂ ವೇದೇತಿ ಸಂಬಂಧಃ ।

ಅಶನತ್ವೇಽಪ್ಯಪರ್ಯಾಪ್ತ ಇತಿ ।

ಅನ್ನತ್ವೇಽಪ್ಯಸಮರ್ಥಃ ಶಾಕಸ್ಥಾನೀಯ ಇತ್ಯರ್ಥಃ । ಯತ್ರ ಸ್ವೇ ಮಹಿಮ್ನಿ ಸ ವಿಶ್ವೋಪಸಂಹರ್ತಾ ವರ್ತತೇ ತಥಾಭೂತಂ ತಂ ಕೋ ವೇೇೇದೇತಿ ಸಂಬಂಧಃ ॥ ೨೫ ॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಶ್ರೀಮಚ್ಛುದ್ಧಾನಂದಪೂಜ್ಯಪಾದಶಿಷ್ಯಾನಂದಜ್ಞಾನವಿರಚಿತೇ ಕಾಠಕೋಪನಿಷದ್ಭಾಷ್ಯವ್ಯಾಖ್ಯಾನೇ ದ್ವಿತೀಯಾ ವಲ್ಲೀ ಸಮಾಪ್ತಾ ॥