प्रणवानुसन्धानकुशलस्य प्रणवज्ञानेनैव सर्वद्वैतापवादकेन कृतार्थता भवतीत्युक्तम् । इदानीं तदनभिज्ञस्य परोपदेशमात्रशरणस्य ध्यानकर्तव्यतां कथयति –

युञ्जीतेति ।

ननु मनःसमाधानं ब्रह्मणि कर्तव्यम्; किमिति प्रणवे तत्कर्तव्यतोच्यते, तत्राऽऽह –

प्रणव इति ।

सम्प्रति प्रणवे समाहितचित्तस्य फलं दर्शयति –

प्रणवे नित्येति ।

समाधानविषयमाह –

यथेति ।

तुरीयरूपं यथेत्युच्यते ।

तत्र हेतुमाह –

यस्मादिति ।

तदेव साधयति –

न हीति ।

तत्र तैत्तिरीयकश्रुत्यानुकूल्यमाह –

विद्वानिति ॥२५॥