ಕೀದೃಶಸ್ತರ್ಹಿ ಪ್ರಣವೋ ಮಂದಾನಾಂ ಮಧ್ಯಮಾನಾಂ ಚಾಧಿಕಾರಿಣಾಂ ಧ್ಯೇಯೋ ಭವತೀತ್ಯಾಶಂಕ್ಯಾಽಽಹ –

ಪ್ರಣವೋ ಹೀತಿ ।

ಉತ್ತಮಾಧಿಕಾರಿಣಾಂ ಕೀದೃಶಸ್ತರ್ಹಿ ಪ್ರಣವಃ ಸಮ್ಯಗ್ಜ್ಞಾನಗೋಚರೋ ಭವತಿ, ತತ್ರಾಽಽಹ –

ಅಪೂರ್ವ ಇತಿ ।

ಪರಾಪರಬ್ರಹ್ಮಾತ್ಮನಾ ಪ್ರಣವೋ ಮಂದಮಧ್ಯಮಾಧಿಕಾರಿಣೋರ್ಧ್ಯೇಯತಾಮುಪಗಚ್ಛತೀತಿ ಪೂರ್ವಾರ್ಧಂ ವ್ಯಾಚಷ್ಟೇ –

ಪರೇತಿ ।

ಉತ್ತಮಾಧಿಕಾರಿಣಸ್ತು ಸರ್ವವಿಶೇಷಶೂನ್ಯಮೇಕರಸಂ ಪ್ರತ್ಯಗ್ಭೂತಂ ಯದ್ ಬ್ರಹ್ಮ ತದ್ರೂಪೇಣ ಪ್ರಣವಃ ಸಮ್ಯಗ್ಜ್ಞಾನಾಧಿಗಮ್ಯೋ ಭವತೀತ್ಯುತ್ತರಾರ್ಧಂ ವಿಭಜತೇ –

ಪರಮಾರ್ಥತ ಇತ್ಯದಿನಾ ।

ಉಕ್ತೇಽರ್ಥೇ ಪ್ರಮಾಣಂ ಸೂಚಯತಿ –

ಸಬಾಹ್ಯೇತಿ ॥೨೬॥