ஸோ(அ)பி மாஸாத்மா ப்ரஜாபதி: ஸ்வாவயவே அஹோராத்ரே பரிஸமாப்யதே । அஹோராத்ரோ வை ப்ரஜாபதி: பூர்வவத் । தஸ்யாபி அஹரேவ ப்ராண: அத்தா அக்³நி: ராத்ரிரேவ ரயி: பூர்வவதே³வ । ப்ராணம் அஹராத்மாநம் வை ஏதே ப்ரஸ்கந்த³ந்தி நிர்க³மயந்தி ஶோஷயந்தி வா ஸ்வாத்மநோ விச்சி²த்³யாபநயந்தி । கே ? யே தி³வா அஹநி ரத்யா ரதிகாரணபூ⁴தயா ஸஹ ஸ்த்ரியா ஸம்யுஜ்யந்தே மைது²நமாசரந்தி மூடா⁴: । யத ஏவம் தஸ்மாத்தந்ந கர்தவ்யமிதி ப்ரதிஷேத⁴: ப்ராஸங்கி³க: । யத் ராத்ரௌ ஸம்யுஜ்யந்தே ரத்யா ருதௌ ப்³ரஹ்மசர்யமேவ ததி³தி ப்ரஶஸ்தத்வாத் ராத்ரௌ பா⁴ர்யாக³மநம் கர்தவ்யமித்யயமபி ப்ராஸங்கி³கோ விதி⁴: ॥