யஸ்து புநராதி³த்யோபலக்ஷித உத்தராயண: ப்ராணாத்மபா⁴வோ விரஜ: ஶுத்³தோ⁴ ந சந்த்³ரப்³ரஹ்மலோகவத்³ரஜஸ்வலோ வ்ருத்³தி⁴க்ஷயாதி³யுக்த: அஸௌ தேஷாம் , கேஷாமிதி, உச்யதே — யதா² க்³ருஹஸ்தா²நாமநேகவிருத்³த⁴ஸம்வ்யவஹாரப்ரயோஜநவத்த்வாத் ஜிஹ்மம் கௌடில்யம் வக்ரபா⁴வோ(அ)வஶ்யம்பா⁴வி ததா² ந யேஷு ஜிஹ்மம் , யதா² ச க்³ருஹஸ்தா²நாம் க்ரீடா³தி³நிமித்தமந்ருதமவர்ஜநீயம் ததா² ந யேஷு தத் ததா² மாயா க்³ருஹஸ்தா²நாமிவ ந யேஷு வித்³யதே । மாயா நாம ப³ஹிரந்யதா²த்மாநம் ப்ரகாஶ்யாந்யதை²வ கார்யம் கரோதி, ஸா மாயா மித்²யாசாரரூபா । மாயேத்யேவமாத³யோ தோ³ஷா யேஷ்வேகாகிஷு ப்³ரஹ்மசாரிவாநப்ரஸ்த²பி⁴க்ஷுஷு நிமித்தாபா⁴வாந்ந வித்³யந்தே, தத்ஸாத⁴நாநுரூப்யேணைவ தேஷாமஸௌ விரஜோ ப்³ரஹ்மலோக இத்யேஷா ஜ்ஞாநயுக்தகர்மவதாம் க³தி: । பூர்வோக்தஸ்து ப்³ரஹ்மலோக: கேவலகர்மிணாம் சந்த்³ரலக்ஷண இதி ॥