ಶ್ರೇಷ್ಠಶ್ಚ ।
ನ ಕೇವಲಮಿತರೇ ಪ್ರಾಣಾ ಬ್ರಹ್ಮವಿಕಾರಾಃ । ಶ್ರೇಷ್ಠಶ್ಚ ಪ್ರಾಣೋ ಬ್ರಹ್ಮವಿಕಾರಃ । “ನಾಸದಾಸೀತ್” ಇತ್ಯಧಿಕೃತ್ಯ ಪ್ರವೃತ್ತೇ ಬ್ರಹ್ಮಸೂಕ್ತೇ ನಾಸದಾಸೀಯೇ ಸರ್ಗಾತ್ಪ್ರಾಗಾನೀದಿತಿ ಪ್ರಾಣವ್ಯಾಪಾರಶ್ರವಣಾದಸತಿ ಚ ವ್ಯಾಪಾರಾನುಪಪತ್ತೇಃ ಪ್ರಾಣಸದ್ಭಾವಾಜ್ಜ್ಯೇಷ್ಠತ್ವಶ್ರುತೇಶ್ಚ ನ ಬ್ರಹ್ಮವಿಕಾರಃ ಪ್ರಾಣ ಇತಿ ಮನ್ವಾನಸ್ಯ ಬಹುಶ್ರುತಿವಿರೋಧೇಽಪಿ ಚ ಶ್ರುತ್ಯೋರೇತಯೋರ್ಗತಿಮಪಶ್ಯತಃ ಪೂರ್ವಪಕ್ಷಃ । ರಾದ್ಧಾಂತಸ್ತು ಬಹುಶ್ರುತಿವಿರೋಧಾದೇವಾನೀದಿತಿ ನ ಪ್ರಾಣವ್ಯಾಪಾರಪ್ರತಿಪಾದಿನೀ, ಕಿಂತು ಸೃಷ್ಟಿಕಾರಣಮಾನೀತ್ಜೀವತಿ ಸ್ಮ ಆಸೀದಿತಿ ಯಾವತ್ । ತೇನ ತತ್ಸದ್ಭಾವಪ್ರತಿಪಾದನಪರಾ । ಜ್ಯೇಷ್ಠತ್ವಂ ಚ ಶ್ರೋತ್ರಾದ್ಯಪೇಕ್ಷಮಿತಿ ಗಮಯಿತವ್ಯಮ್ । ತಸ್ಮಾದ್ಬಹುಶ್ರುತ್ಯನುರೋಧಾನ್ಮುಖ್ಯಸ್ಯಾಪಿ ಪ್ರಾಣಸ್ಯ ಬ್ರಹ್ಮವಿಕಾರತ್ವಮಿತಿ ಸಿದ್ಧಮ್ ॥ ೮ ॥
ಶ್ರೇಷ್ಠಶ್ಚ॥೮॥ ಪಾದಾದ್ಯಧಿಕರಣನ್ಯಾಯೋಽತ್ರಾತಿದಿಶ್ಯತೇ । ಜ್ಞಾತೇಷು ಚಕ್ಷುರಾದಿಷು ತದ್ವ್ಯಾಪಾರಾತ್ ಪ್ರಾಣಸ್ಯ ಭೇದಚಿಂತಾ ವಕ್ಷ್ಯಮಾಣಾ ಸುಕರೇತಿ ತದನಂತರಮನತಿದೇಶಃ । ಆನೀದಿತ್ಯಸ್ಯ ಮಹಾಪ್ರಲಯವಿಷಯತ್ವೇನಾಧಿಕಾಶಂಕಾಮಾಹ –
ನಾಸದಾಸೀದಿತೀತಿ॥೮॥