వికల్పోఽవిశిష్టఫలత్వాత్ ॥౫౯॥ విద్యాభేదాదిచిన్తానన్తరమ్ అహంగ్రహపతీకాఙ్గావబద్ధోపాస్తీనామనుష్ఠానప్రకారోఽధికరణత్రయేణ నిరూప్యతే ।

అహంగ్రహోపాస్తీనాం యథాకామమనుష్ఠానమితి పూర్వపక్షయిష్యన్ సముచ్చయనియమేన కిమితి న పూర్వపక్షః క్రియతే ? భిన్నాధికారాణామపి దర్శాదీనాం సముచ్చయనియమదర్శనాదిత్యాశఙ్కతే తావత్ –

అగ్నిహోత్రేతి ।

పృథగధికారణామపి సముచ్చయో నియమవాన్ దృష్టః , యథాఽగ్నిహోత్రదర్శాదేరిత్యర్థః ।

పరిహరతి –

తేషాం నిత్యత్వాదిత్యాదినా ।

యస్యాద్ధా సాక్షాత్స్యాదుపాస్యం న చ విచికిత్సా సంశయోఽస్తి ప్రాప్నుయామ్ అహం ఫలం న వేతి । తస్య బ్రహ్మప్రాప్తిర్భవేదిత్యర్థః । సాక్షాత్కారేణ అహంగ్రహోపాస్యదేవో భూత్వా దేవానప్యేతి ప్రాప్నోతి ॥౫౯॥

ఇతి చతుస్త్రింశం వికల్పాధికరణమ్ ॥