నను ప్రమాణాన్తరవిరోధే సతి శ్రుతిః తదర్థాపత్తిర్వా నావిద్యాం నివేదయితుమలమ్ ? కిం తత్ ప్రమాణం ? యేన సహ విరోధః, నిరంశస్య స్వయఞ్జ్యోతిషః స్వరూపానవభాసానుపపత్తిః । నను భోక్తుః కార్యకారణసఙ్ఘాతాత్ వ్యావృత్తతా స్వయఞ్జ్యోతిషోఽపి న ప్రకాశతే, నను న భోక్తా స్వయఞ్జ్యోతిః, కిం త్వహంప్రత్యయేనావభాస్యతే । యథా స్వయమ్ప్రకాశమానతా, అహఙ్కారో న ప్రత్యయస్తథా వక్ష్యతే ॥
స్వయమ్ప్రకాశస్య అవిద్యాశ్రయత్వసమ్భవేఽప్యవిద్యావిషయత్వం న సమ్భవతీత్యతో నావిద్యేతి చోదయతి -
నను ప్రమాణవిరోధ ఇతిప్రమాణాన్తరవిరోధ ఇతి ।
నిరంశస్య స్వరూపానవభాసానుపపత్తిరిత్యుక్తే నిరంశస్య ఆకాశస్యావభాసో న దృశ్యత ఇత్యాశఙ్క్యాహ -
స్వయఞ్జ్యోతిష ఇతి ।
అతోఽనవభాసాఅనవభాసష్టమ్భవాదితిసమ్భవాదనవభాసాయ నావిద్యాభ్యుపేయేతి భావః ।
సిద్ధాన్తీ ఆహ -
నను భోక్తుః ఇతి ।
అహఙ్కారో న ప్రత్యయ ఇతి ।
ఆత్మకర్మకప్రత్యయో న భవతీతి వక్ష్యత ఇత్యర్థః ।