ரஜ்ஜுஸர்பப்⁴ராந்தாவபி பூர்வமநுபூ⁴தஸத்யஸர்போபாதி⁴ஸர்வோபாதி⁴ரிதிரஸ்தீதி சோத³யதி -

நநு தத்ராபீதி ।

அஹங்கார ப்⁴ரமஸ்ய த³ர்பணாதி³வத் ஸ்வதந்த்ரதயா ப்⁴ரமகாலீநோபாதி⁴நா ப⁴விதவ்யமித்யுச்யதே, கிம் வா பூர்வமநுபூ⁴ததயா ஸ்வஸம்ஸ்காரத்³வாரேண ப்⁴ரமஹேதூபாதி⁴ரபேக்ஷிதவ்ய இத்யுச்யத இதி விகல்ப்ய ஸ்வதந்த்ரோபாதி⁴ஶ்சேத் ஸ: ஸர்பப்⁴ரமே(அ)பி நாஸ்தி । இதரஶ்சேத் ஸோ(அ)த்ராப்யஸ்தி । பூர்வப்⁴ரமஸித்³தா⁴ஹங்காரஸம்ஸ்காராத் அத்³யதநாஹங்காராத்⁴யாஸோத்பத்தேரித்யாஹ –

பா³ட⁴மித்யாதி³நா ।

அஹங்கர்த்ருதேதி ।

அஹங்கார இத்யர்த²: ।

ஶ்ருதிஷு க⁴டாகாஶோதா³ஹரணேந கிம் ப்ரயோஜநமித்யாஶங்க்ய ஆத்மநோ(அ)ஸங்க³த்வஸித்³தி⁴: ப்ரயோஜநமித்யாஹ -

தத³ர்த²ம் க⁴டாகாஶோதா³ஹரணமிதி ।

ஆத்மநோ(அ)ஸங்க³த்வாபா⁴வாத் நோதா³ஹரணாபேக்ஷேத்யாஶங்க்ய அஸங்க³த்வப்ரமாணமாஹ -

‘அஸங்கோ³ ந ஹீ’ப்³ரு0உ0 3 - 9 - 26, (4 - 2 - 4, 4 - 4 - 22, 4 - 5 - 15)தி ।

ஸ்ப²டிகோதா³ஹரணேநாஸங்க³த்வம் ஸித்³த்⁴யதீத்யாஶங்க்ய நேத்யாஹ -

தத்ர யத்³யபீதி ।

ஸ்ப²டிகாதே³: ஸாவயவத்வேந அருணாதி³நா ஸம்பே⁴த³யோக்³யஸ்யாப்யரூணாதே³:அருஜாதே³ரிதி அநிர்வசநீயதயா அஸம்பே⁴தா³வக³மோ யத்³யபி ஸித்³த⁴ இத்யந்வய: ।

தத³ஸங்கீ³வேதி ।

த்³ரவ்யகு³ணரூபத்வாத் தேநாரூணாதி³நா ஸம்ப³ந்தீ⁴வ ஸ்ப²டிகோ லக்ஷித இத்யர்த²: ।

ரஜ்ஜுஸர்போதா³ஹரணேநாஸங்க³த்வம் ஸித்³த்⁴யதீத்யாஶங்க்ய தத்ர ஸர்பேண ஐக்யபு³த்³தி⁴த்வாதே³வ ஸம்ஸர்கி³த்வேந ப்ரதீத்யபா⁴வாத் ஸம்ஸர்கி³த்வேந ப்ரதீததயா நிரூப்யமாணே அஸங்கி³த்வேநோதா³ஹரணத்வம் ரஜ்ஜோர்நாஸ்தீத்யாஹ -

ரஜ்ஜ்வாம் புநரிதி ।

அஸம்பி⁴ந்நத்வம் வேதி ।

அஸம்ஸ்ருஷ்டத்வமிவேத்யர்த²: ।

ரூப இதி ।

க⁴டபரிமிதாகாஶரூபத்வமித்யர்த²: ।

கார்யேதி ।

ஜலாதி³தா⁴ரணகார்யமித்யர்த²: ।

ஸமாக்²யேதி ।

க⁴டாகாஶ: கரகாகாஶ இத்யாதி³ஶப்³த³விஷயத்வமித்யர்த²: ।

உதா³ஹரணைரேவாவிகாரித்வைகத்வாஸங்க³த்வஸித்³தே⁴ ; நாக³மோபயோக³ இதி, நேத்யாஹ -

ஏதச்ச ஸர்வமிதி ।

பு³த்³தி⁴ஸாமர்த்²யம் சேதி ।

தத்³வதி³த³மபி ஸம்ப⁴வதீதி த்³ருஷ்டாந்தேந ஸமத்வக்³ரஹணலக்ஷணஸம்பா⁴வநாபு³த்³த்⁴யுத்பத்தய இத்யர்த²: ।

அஸ்மத்ப்ரத்யயவிஷயத்வாதி³தி பா⁴ஷ்யக³தவிஷயஶப்³தா³ர்த²மாஹ -

ததே³வம் யத்³யபீதி ।

அநித³மாத்மகத்வாத³விஷய இதி ।

ஶுக்திவத³நிந்த்³ரியவிஷயத்வாத் ஜந்யஜ்ஞாநாவிஷய இத்யர்த²: ।

ததா²ப்யஹங்காரே வ்யவஹாரயோக்³யோ ப⁴வதீதி ।

யாத்³ருக்³ஜ்ஞாநாதீ⁴நத்வேந பரிச்சி²ந்நதயா ஸ்பு²ரதி ய: பதா³ர்த²: ஸ தஸ்ய ஜ்ஞாநஸ்ய விஷயத்வேந த்³ருஷ்ட:, தத்³வதா³த்மாப்யஹங்காரே(அ)பி⁴வ்யக்தத்வேந பரிச்சி²ந்நதயா ஸ்பு²ரதீதி தம் ப்ரத்யாத்மாப்ரத்யாத்மவிஷய இதி விஷய இத்யுச்யதே । ஸ்பு²ரணஸ்வபா⁴வத்வே(அ)பி பரிச்சே²த³ஸ்ய அஹங்காராதீ⁴நத்வாதி³த்யர்த²: ।

ப்ரமேயஸ்ய வ்யவஹாரயோக்³யத்வாவ்யபி⁴சாராதி³தி ।

ப்ரஸித்³த⁴ப்ரமேயஸ்ய பரிச்சி²ந்நதயா ஸ்பு²ரிதத்வாவ்யபி⁴சாராதி³த்யர்த²: ।