நநு அப்³ரஹ்மோபாஸநாந்யபி வேதா³ந்தேஷு த்³ருஶ்யந்தே ப்ராணாதி³விஷயாணி, ஸத்யம், தாந்யபி கார்யப்³ரஹ்மாவாப்திக்ரமேண முக்திப²லாந்யேவ । வக்ஷ்யத்யேதத் ஸூத்ரகார: — ‘கார்யாத்யயே தத³த்⁴யக்ஷேண ஸஹாத: பரமபி⁴தா⁴நாத்’ இதி ।
யதா² சாயமர்த²: ஸர்வேஷாம் வேதா³ந்தாநாம், ததா² வயமஸ்யாம் ஶாரீரகமீமாம்ஸாயாம் ப்ரத³ர்ஶயிஷ்யாம: இதி
ப்ரதிஜ்ஞாதே(அ)ர்தே² வேதா³ந்தாநாம் தாத்பர்யமுபத³ர்ஶயிதும் ஸமந்வயஸூத்ரப்ரமுகை²: ஸூத்ரவாக்யை: க்³ரதி²தோ ந்யாய: இதி த³ர்ஶயதி । ஶரீரமேவ ஶரீரகம், ஶரீரகே ப⁴வ: ஶாரீரகோ ஜீவ: । தமதி⁴க்ருத்ய க்ருதோ க்³ரந்த²: ஶாரீரக: । ததி³ஹ வேதா³ந்தாநாம் ஜீவஸ்ய தத்த்வமதி⁴க்ருத்ய ப்ரவ்ருத்தாநாம் ப்³ரஹ்மரூபதாயாம் பர்யவஸாநமிதி கத²யிதும் ப்ரணீதாநாம் ஶாரீரகம் ஜீவதத்த்வமதி⁴க்ருத்ய க்ருதத்வமஸ்தீதி ஶாரீரகாபி⁴தா⁴நம் ।
முமுக்ஷுத்வே ஸதி அநந்தரம் ப்³ரஹ்மஜ்ஞாநம் கர்தவ்யமிதி யத்³யப்யேதாவாந் ஸூத்ரஸ்ய ஶ்ரௌதோ(அ)ர்த²: ; ததா²பி அர்தா²த் ப்³ரஹ்மஜ்ஞாநஸ்ய மோக்ஷ: ப்ரயோஜநம் நிர்தி³ஷ்டம் ப⁴வதி । ததா² ஹி — புருஷார்த²வஸ்துகாமநாநந்தரம் யத்ர ப்ரவ்ருத்திருபதி³ஶ்யதே, தஸ்ய தத்ஸாத⁴நத்வமப்யர்தா²ந்நிர்தி³ஷ்டம் ப்ரதீயதே । ததா² ஸதி குத: தத் மோக்ஷஸாத⁴நம் ப்³ரஹ்மஜ்ஞாநம் ப⁴வதீத்யபேக்ஷாயாம் அர்தா²த் அஸ்மாச்சா²ஸ்த்ராத்³ப⁴வதீதி ஶாஸ்த்ரஸ்ய ப்³ரஹ்மஜ்ஞாநம் விஷயோ நிர்தி³ஷ்ட: । ததே³வம் முமுக்ஷுத்வாநந்தரம் ப்³ரஹ்மஜ்ஞாநகர்தவ்யதோபதே³ஶமுகே²ந வேதா³ந்தாநாம் விஷயப்ரயோஜநநிர்தே³ஶே(அ)ப்யார்த²ம் ஸூத்ரஸ்ய வ்யாபாரம் த³ர்ஶயித்வா தத³பேக்ஷிதமப்யர்தா²த் ஸூத்ரிதமவித்³யாத்மகப³ந்த⁴முபர்வண்ய ப்ரதிஜ்ஞாதார்த²ஸித்³த⁴யே ஹேத்வாகாங்க்ஷாயாமஸ்மிந்நேவ தம் ப்ரத³ர்ஶயிஷ்யாம இதி வ்யாக்²யேயத்வமுபக்ஷிப்ய வ்யாக்²யாதுகாம: ப்ரத²மம் தாவத் ப்ரயோஜநவிஷயயோருபாதா³நே நிமித்தமாஹ —
வேதா³ந்தமீமாம்ஸாஶாஸ்த்ரஸ்ய வ்யாசிக்²யாஸிதஸ்யேத³மாதி³மம் ஸூத்ரம் — அதா²தோ ப்³ரஹ்மஜிஜ்ஞாஸேதி ॥
அயமஸ்யார்த²: — ஶாஸ்த்ரஸ்யாதி³ரயம் । ஆதௌ³ ச ப்ரவ்ருத்த்யங்க³தயா ப்ரயோஜநம் விஷயஶ்ச த³ர்ஶநீய: । ஸூத்ரம் சைதத் । அதோ ய: கஶ்சித³ர்த²: ஶப்³த³ஸாமர்த்²யேநார்த²ப³லாத்³வா உத்ப்ரேக்ஷித: ஸ ஸர்வ: தத³ர்த²மேவேதி ப⁴வத்யயமர்த²கலாப: தந்மஹிமாதி⁴க³த: । ஏவம் ஸூத்ரஸ்யாதி³த்வேந காரணேந ஸூத்ரதயா ச விஷயப்ரயோஜநம் தத்ஸித்³தி⁴கரம் சாவித்³யாக்²யம் ப³ந்த⁴ம் தத்ஸாமர்த்²யாவக³தமாபாத்³ய தத்ர ஸூத்ரஸாமர்த்²யம் த³ர்ஶயிதும் ப்ரதிபத³ம் வ்யாக்²யாமாரப்⁴யதே ।
இதி பரமஹம்ஸபரிவ்ராஜகாதி³ஶ்ரீஶங்கரப⁴க³வத்³பாதா³ந்தேவாஸிவரஶ்ரீபத்³மபாதா³சார்யக்ருதௌ பஞ்சபாதி³காயாமத்⁴யாஸபா⁴ஷ்யம் நாம ப்ரத²மவர்ணகம் ஸமாப்தம் ॥
முக்திப²லாந்யேவ இதி ।
பரம்பரயா ப்³ரஹ்மாத்மைகத்வாவக³தி ஹேதுதயா முக்திப²லாந்யேவேத்யர்த²: ।
ப்³ரஹ்மாத்மைகத்வப³ந்த⁴நிவ்ருத்த்யோ: வேதா³ந்தம் ப்ரதி விஷயப்ரயோஜநத்வமஸ்து விசாரஶாஸ்த்ரஸ்ய விஷயாதி³ ந லப்⁴யத இத்யாஶங்க்ய தஸ்யாபி த ஏவ விஷயப்ரயோஜநே இதி மத்வா ஆஹ -
யதா² சாயமிதி ।
பா⁴ஷ்யஸ்ய தாத்பர்யமாஹ -
ப்ரதிஜ்ஞாதே(அ)ர்த² இதி ।
ப்ரத²மஸூத்ரேணார்தா²த் ஸூத்ரிதே ப்³ரஹ்மாத்மைகத்வ இத்யர்த²: ।
உபத³ர்ஶயிதுமிதி ।
உபத³ர்ஶயிதும் ஸமர்த²ந்யாயோ க்³ரதி²த இதி த³ர்ஶயதீத்யர்த²: ।
க்ருதோ க்³ரந்த² இதி
வேதா³ந்தா உச்யந்தே ।
வேதா³ந்தாந்தம் ஶரீரகத்வே(அ)பி விசாரஶாஸ்த்ரஸ்ய கத²ம் ஶாரீரகத்வமிதி ததா³ஹ –
ததி³ஹேதி ।
ப்ரணீதாநாமிதி ।
ஸூத்ராணாமித்யர்த²: । விசாரகர்தவ்யதாமாத்ரம் ஸூத்ரார்த²: ।
தத்ர விஷயப்ரயோஜநயோரஸூத்ரிதயோ: வேதா³ந்ததத்³விசாரஸம்ப³ந்தி⁴தயா உபபாத³நமயுக்தமித்யாஶங்க்ய ஸூத்ரிதத்வம் த³ர்ஶயதி -
முமுக்ஷத்வே ஸத்யநந்தரமிதி ।
யத்ர ப்ரவ்ருத்திரிதி ।
யஸ்மிந் தா⁴த்வர்தே² ஹிதஸாத⁴நதா லிஙாதி³பதை³ருபதி³ஶ்யத இத்யர்த²: ।
யத்ர ப்ரவ்ருத்திரிதி ।
ப்ரவ்ருத்திவிஷயஹிதஸாத⁴நதோச்யதே ।
தஸ்யேதி ।
தா⁴த்வர்த²ஸ்யேத்யர்த²: । தத்ஸாத⁴நத்வம் காமிதஸாத⁴நத்வமித்யர்த²: ।
கத²ம் விஷயாதி³ஸூத்ரிதமிதி ததா³ஹ -
ததா² ஸதீதி ।
ப்³ரஹ்மஜ்ஞாநம் விஷயோ நிர்தி³ஷ்ட இதி ஜ்ஞாயமாநம் ப்³ரஹ்ம ஜ்ஞாநஹேதுஶாஸ்த்ரம் ப்ரதி விஷயத்வேந நிர்தி³ஷ்டமித்யர்த²: ।
வ்ருத்தம் ஸங்கீர்தயதி -
ததே³வமித்யாதி³நா ।
ப்ரதிஜ்ஞாதார்த²ஸித்³த⁴ய இதி ।
வேதா³ந்தாநாம் ப³ந்த⁴நிவ்ருத்தி: ப்³ரஹ்மாத்மைக்யம் ச விஷயப்ரயோஜந இதி ப்ரதிஜ்ஞாதார்த²ஸித்³த⁴ய இத்யர்த²: ।
வ்யாக்²யேயத்வமுபக்ஷிப்ய இதி ।
ஶாஸ்த்ரே ப்ரத³ர்ஶயிஷ்யாம இத்யுக்த்யா ஶாஸ்த்ரஸ்யாபி வேதா³ந்தவிஷயாதி³நா விஷயாதி³மத்வத்³யோதநேந விஷயாதி³மத்வாதே³வ வ்யாக்²யேயத்வமுபக்ஷிப்யேத்யர்த²: ।
வேதா³ந்தமீமாம்ஸேத்யாதி³பா⁴ஷ்யஸ்ய தாத்பர்யமாஹ -
ப்ரத²மம் தாவதி³தி ।
ப்ரத²மஸூத்ரேணோபபாத³ந இத்யர்த²: । மஹிமேதி மஹாதாத்பர்யமுச்யதே ।
தத்ராத்³யஶப்³த³இத்யாதி³பத³வ்யாக்²யாநபா⁴ஷ்யஸ்ய வ்ருத்தஸங்கீர்தநபூ்ர்வகம் தாத்பர்யமாஹ -
ஏவம் ஸூத்ரஸ்யேதி ।
தத்ஸாமர்த்²யாவக³தம் ஸூத்ரஸாமர்த்²யாவக³தமித்யர்த²: । || இதி ப்ரத²மவர்ணககாஶிகா ||