நநு ந ஸர்வே வேதா³ந்தா வித்³யார்த²மேவாரப்⁴யந்தே, ததே³கதே³ஶ: க்ரமமுக்திப²லாய ஐஶ்வர்யாய அப்⁴யுத³யார்த²ம் கர்மஸம்ருத்³த⁴யே சோபாஸநாநி விவிதா⁴ந்யுபதி³ஶந் உபலப்⁴யதே । ஸத்யம் ; உபாஸநாகர்ம து ப்³ரஹ்ம, தச்ச அபாக்ருதாஶேஷப்ரபஞ்சம் ஜீவஸ்ய நிஜம் ரூபமிதி நிரூபயிதும் அகி²லப்ரபஞ்சஜந்மாதி³ஹேதுதயா ப்ரத²மம் ஸர்வாத்மகம் ஸர்வஜ்ஞம் ஸர்வஶக்தி ச ப்³ரஹ்ம லக்ஷிதம் । அஸ்யாம் சாவஸ்தா²யாமநபாக்ருத்யைவ ப்³ரஹ்மணி ப்ரபஞ்சம் தேந தேந ப்ரபஞ்சேநோபதீ⁴யமாநம் ப்³ரஹ்ம தஸ்மை தஸ்மை ப²லாயோபாஸ்யத்வேந விதீ⁴யதே, த³ர்ஶபூர்ணமாஸார்தா²ப்ப்ரணயநமிவ கோ³தோ³ஹநோபரக்தம் பஶுப்⁴ய: ; தஸ்மாத் தத³ர்தோ²பஜீவித்வாதி³தரஸ்ய
ஆத்மைகத்வவித்³யாப்ரதிபத்தயே ஸர்வே வேதா³ந்தா ஆரப்⁴யந்த
இதி ந விருத்⁴யதே ॥
நிஷ்ப்ரபஞ்சப்³ரஹ்மப்ரதிபத்த்யுபாயதயா தத³ங்க³பூ⁴தஸப்ரபஞ்சப்³ரஹ்மவிஷயத்வாத் உபாஸநாவாக்யஸ்ய பரமாங்கி³நிஷ்ப்ரபஞ்சப்³ரஹ்மஶேஷத்வமஸ்தீத்யாஹ -
ஸத்யம் , உபாஸநாகர்மஉபாஸநாகர்மத்வமிதித்விதி ।
நிஷ்ப்ரபஞ்சப்³ரஹ்ம ப்ரதி கத²ம் ஸப்ரபஞ்சஸ்யாங்க³த்வமிதி ஆஶங்க்ய அத்⁴யாரோபாபவாத³ந்யாயேநோபயோகா³த் அங்க³த்வமித்யாஹ –
தத்ராபாக்ருதேதிதச்சாபாக்ருதேதி ।
நிராஸார்த²முபதி³ஷ்டஸப்ரபஞ்சரூபமாஶ்ரித்ய கத²முபாஸநம் விதீ⁴யத இத்யாஶங்க்ய ப²லவிஶேஷஸித்³தே⁴: தத³ர்தி²நம் மந்தா³தி⁴காரிணம் ப்ரதி விதா⁴நமித்யாஹ -
அஸ்யாம் சேதி ।
உபதீ⁴யமாநம் உபாதி⁴ருபாதி⁴ரூபாணி இதிஉபாதி⁴நாஶ்ரியமாணம் க³ம்யமாநம் வ்யாப்தமித்யர்த²: ।
அந்யாங்க³ஸ்யோபாஸிதஸ்ய கத²ம் ப்ருத²க்ப²லஹேதுத்வமிதி தத்ராஹ –
த³ர்ஶபூர்ணமாஸேதி ।
அதோ வேதா³ந்தாநாம் மஹாதாத்பர்யம் பரப்³ரஹ்மண்யேவ இத்யுபஸம்ஹரதி -
தஸ்மாத்தத³ர்தோ²பஜீவித்வாதி³தி ।