ఈశావాస్యోపనిషత్ - మన్త్రాః

अ

1. అగ్నే నయ సుపథా రాయే అస్మాన్విశ్వాని దేవ వయునాని విద్వాన్ । యుయోధ్యస్మజ్జుహురాణమేనో భూయిష్ఠాం తే నమఉక్తిం విధేమ ॥ ౧౮ ॥
2. అనేజదేకం మనసో జవీయో నైనద్దేవా ఆప్నువన్పూర్వమర్షత్ । తద్ధావతోఽన్యానత్యేతి తిష్ఠ—త్తస్మిన్నపో మాతరిశ్వా దధాతి ॥ ౪ ॥
3. అన్ధం తమః ప్రవిశన్తి యే అవిద్యాముపాసతే । తతో భూయ ఇవ తే తమో య ఉ విద్యాయాం రతాః ॥ ౯ ॥
4. అన్ధం తమః ప్రవిశన్తి యేఽసమ్భూతిముపాసతే । తతో భూయ ఇవ తే తమో య ఉ సమ్భూత్యాం రతాః ॥ ౧౨ ॥
5. అన్యదేవాహుః సమ్భవాదన్యదాహురసమ్భవాత్ । ఇతి శుశ్రుమ ధీరాణాం యే నస్తద్విచచక్షిరే ॥ ౧౩ ॥
6. అన్యదేవాహుర్విద్యయా అన్యదాహురవిద్యయా । ఇతి శుశ్రుమ ధీరాణాం యే నస్తద్విచచక్షిరే ॥ ౧౦ ॥
7. అసుర్యా నామ తే లోకా అన్ధేన తమసా వృతాః । తాంస్తే ప్రేత్యాభిగచ్ఛన్తి యే కే చాత్మహనో జనాః ॥ ౩ ॥
8. ఈశా వాస్యమిదం సర్వం యత్కిం చ జగత్యాం జగత్ । తేన త్యక్తేన భుఞ్జీథా మా గృధః కస్య స్విద్ధనమ్ ॥ ౧ ॥
9. కుర్వన్నేవేహ కర్మాణి జిజీవిషేచ్ఛతం సమాః । ఎవం త్వయి నాన్యథేతోఽస్తి న కర్మ లిప్యతే నరే ॥ ౨ ॥
10. తదేజతి తన్నైజతి తద్దూరే తద్వన్తికే । తదన్తరస్య సర్వస్య తదు సర్వస్యాస్య బాహ్యతః ॥ ౫ ॥
11. పూషన్నేకర్షే యమ సూర్య ప్రాజాపత్య వ్యూహ రశ్మీన్సమూహ తేజో యత్తే రూపం కల్యాణతమం తత్తే పశ్యామి యోఽసావసౌ పురుషః సోఽహమస్మి ॥ ౧౬ ॥
12. యస్తు సర్వాణి భూతాని ఆత్మన్యేవానుపశ్యతి । సర్వభూతేషు చాత్మానం తతో న విజుగుప్సతే ॥ ౬ ॥
13. యస్మిన్సర్వాణి భూతాని ఆత్మైవాభూద్విజానతః । తత్ర కో మోహః కః శోక ఎకత్వమనుపశ్యతః ॥ ౭ ॥
14. వాయురనిలమమృతమథేదం భస్మాన్తం శరీరమ్ । ఓం క్రతో స్మర కృతం స్మర క్రతో స్మర కృతం స్మర ॥ ౧౭ ॥
15. విద్యాం చావిద్యాం చ యస్తద్వేదోభయం సహ । అవిద్యయా మృత్యుం తీర్త్వా విద్యయామృతమశ్నుతే ॥ ౧౧ ॥
16. స పర్యగాచ్ఛుక్రమకాయమవ్రణ—మస్నావిరం శుద్ధమపాపవిద్ధమ్ । కవిర్మనీషీ పరిభూః స్వయమ్భూర్యాథాతథ్యతో—ఽర్థాన్వ్యదధాచ్ఛాశ్వతీభ్యః సమాభ్యః ॥ ౮ ॥
17. సమ్భూతిం చ వినాశం చ యస్తద్వేదోభయం సహ । వినాశేన మృత్యుం తీర్త్వా సమ్భూత్యామృతమశ్నుతే ॥ ౧౪ ॥
18. హిరణ్మయేన పాత్రేణ సత్యస్యాపిహితం ముఖమ్ । తత్త్వం పూషన్నపావృణు సత్యధర్మాయ దృష్టయే ॥ ౧౫ ॥